Bakı İrəvanın səhv addımına hazırlaşır - Ekspert

Bakı İrəvanın səhv addımına hazırlaşır
2016-cı ilin aprelində baş vermiş hadisələr istənilən an təkrarlana bilər.

Bu sözləri politoloq Tofiq Abbasov bu yaxınlarda Belarusla imzalanan razılaşmaya əsasən ölkəmizə gətirilən 301 mm-lik “Polonez”lərin Azərbaycan Ordusunun silahlanmasına daxil edilməsi haqda Axar.az-a danışarkən deyib. O bildirib ki, Azərbaycan Ordusunun müdafiə potensialının gücləndirilməsi Ermənistanın qeyri-adekvat addımları ilə bağlıdır:

“Ermənistanda inqilabi yolla hakimiyyətə gələn yeni adamlar özləri ilə heç bir praqmatik və müsbət düşüncə gətirmədilər. Bu onu göstərir ki, Ermənistanda qarşıdurma siyasətinə meyilli olan qüvvələrin mövqeləri daha güclüdür. Bu qüvvələr hər an regionda Azərbaycan-Ermənistan münaqişəsi üzərindən böyük problemlər yarada bilər. Azərbaycanın son addımları - Belarusdan “Polonez”lərin alınması, Əlahiddə Ümumqoşun Ordunun aviasiya hərbi hissəsində təlim uçuşları keçirməsi məhz bunun qarşısını almağa yönəlib. Ermənistan bilməlidir ki, Azərbaycana qarşı atılacaq hər hansı bir səhv addım Aprel hadisələrinin təkrarlanması ilə nəticələnə bilər. Hesab edirəm ki, Azərbaycanın siyasi rəhbərliyi çox dəqiq siyasət aparır və bütün problemlərin qarşısını almaq üçün vaxtında düzgün qərarlar verir”. 
Tarix: 14-06-2018, 09:20
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman