Məmurları gözləyən yeni DƏYİŞİKLİK KARVANI... - Mehdiyevin izi TAM SİLİNƏCƏK...


Heç kimə sirr deyil ki, müstəqil Azərbaycan dövlətinin vur-tut 30 yaşı var.
Əlbəttə, zaman kimi az deyil, amma dövlət quruculuğu üçün çox qısa vaxtdır.
Bu gün dünyada 100 illər, hətta 1000 illər yaşı olan oturuşmuş dövlətlər var.
Sözümüzün canı odur ki, 1991-ci ildə Azərbaycan müstəqilliyini elan edəndə qarşımızda 2 ciddi problem dururdu:
Dövlət quruculuğu və Qarabağ probleminin həlli...
Etiraf etməliyik ki, Qarabağ problemi az qala 30 il Azərbaycan cəmiyyətinin əl-qol açmasına imkan vermədi, cəmiyyətdə bir ümidsizlik var idi, ciddi siyasi və iqtisadi islahatlara getmək olmurdu...
Çoxları elə güman edir ki, islahat keçirmək, cəmiyyətdə reforma aparmaq guya asan məsələdir.
Böyük islahatlara başlayanda bilməlisən ki, nəticəsi necə olacaq. Yoxsa, atalar demişkən, qaş düzəldən yerdə vurub gözünü də tökə bilərsən...
Cənab Prezident İlham Əliyev əbəs yerə demir ki...
Nə vaxt, nəyi, necə etmək lazımdır, bunu bilirəm. Hesab edirəm ki, yaxın tarix dəfələrlə bunu göstərib, həm siyasi müstəvidə, diplomatik müstəvidə, eyni zamanda, döyüş meydanında. Nəyi ediriksə, dəqiqliklə edirik. Son dörd il ərzində üç əməliyyat keçirilmişdir, üç toqquşma olmuşdur. Üçündə də qalib gəldik. Üçündə də bayrağımızı istədiyimiz yerə sancdıq. Üçündə də düşmənə sarsıdıcı zərbələr endirdik...
Bəli, rəhbərin missiyası NƏYİ və NƏ VAXT və NECƏ...etməyi dəqiq bilməsidir.
Yoxsa, bəzi radikal müxalifət liderləri kimi atacaqları addımın nəticəsini bilmədən ağızlarına gələnləri danışırlar.
Sözün qısası, yazının girişində qeyd etdik ki, 30 il əvvəl, yəni 1991-ci ildə xalqımızın qarşısında 2 ciddi problem var idi: dövlət quruculuğu və Qarabağ problemi...
Tam əminliklə demək olar ki, Müzəffər Ali Baş Komandan İlham Əliyevin və rəşadətli Azərbaycan ordusunun sayəsində Qarabağ problemi həll olunub.
Kimlərsə, bəs, Xocalı...bəs Xankəndi və s deyə bilər.
Əlbəttə, həmin məsələlər də yaxın zamanda həll olunacaq. Amma Qarabağ problemi artıq tarixin arxivinə atıldı, Perzident əbəs yerə demir ki, Dağlıq Qarabağ problemi yoxdur...
Deməli, 30 il əvvəlki problemin biri həll olunub.
Deməli, indi ölkədə ciddi siyasi və iqtisadi islahatlara təkan vermək olar.
Əlbəttə, son 30 ildə ciddi iqtisadi və siyasi islahatlar olub. Amma...
Əmması odur ki, cənab Prezidentin bütün səylərinə baxmayaraq ölkədə hələ də korrupsiya və rüşvət, qiymətlərin süni şişirdilməsi, dövlət vəsaitinin talanması halları baş verir. Yoxsa, bu gün niyə “paçka-paçka” icra başçıları, nazir və nazir müavnləri həbs olunur ki..?
Bu gün neçə-neçə baş həkim, şirkət rəhbəri, vəzifəli şəxslər həbsxana həyatı yaşayır.
Və bu proses dayanmaq bilmir.
Hər gün oxuyuruq ki, filan məmur həbs olundu...
İstər-istəməz ortaya suallar çıxır.
Bəs bu məmurlara nəzarət etməli olan dövlət qurumları neçə illər hara baxıblar..?
Bəs bu nəzarət edən qurumlar niyə məsuliyyət daşımırlar..?
Həm də cəmiyyətdə ciddi narazılığın olduğunu da gizlətmək lazım deyil.
Əgər şəhidin atası, yaxud anası icra başçısının qəbuluna aylarla düşə bilmirsə...
Əgər vətəndaşın cənab Prezidentə ünvanladığı ərizə, yaxud şikayət Prezidentə yetişmirsə...
Əgər Qarabağ qazisi dərman pulu tapa bilmirsə, yaxud onun əlillik dərəcəsi illərlə uzadılırsa, cəmiyyət necə MƏMNUN ola bilər...
Axı, nə qədər rüşvətxor məmur həbs etmək olar..?
Nazirin, yaxud universitet rektorunun 200 min manat qaz borcu olduğu halda, sıravi vətəndaşın 5 manatı bitən kimi qazını kəsirlərsə, işığını, suyunu kəsirlərsə, cəmiyyət istər-istəməz dövlətdən narazı qalacaq...
Bəli, bəzi məmurlar bəlkə də bilərəkdən vətəndaşları dövlətdən narazı salırlar...
Bu gün radikal müxalifəti kimlər maliyyələşdirir..?
Əlbəttə, rüşvətxor və korrupsioner məmurlar...
Bütün bunları cənab Prezident zərgər dəqiqliyi ilə bilir.
Bəli, cənab Prezidentin tapşırığı ilə Azərbaycanda xüsusi müsadirə institutu yaradılacaq.
Belə ki, Prezident İlham Əliyev tərəfindən təsdiqlənən “Korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planı” üzrə Tədbirlər Planında əksini tapıb.
Sənədə görə, xüsusi müsadirə institutunun effektivliyinin təmin edilməsi məqsədilə ölkə ərazisində, yaxud başqa dövlətin yurisdiksiyasında olan cinayət yolu ilə əldə olunmuş əmlakın və ya müsadirə edilməli olan digər aktivlərin qaytarılması (aşkar edilməsi, üzərinə həbs qoyulması, aktivlərin dondurulması və sair) ilə bağlı səmərəli fəaliyyətin həyata keçirilməsi üçün müvafiq təkliflər hazırlanması nəzərdə tutulur.
Bu dünən verilən qərardır.
Bəli, cənab Prezident ölkədə fundamental islahatlara start verdi.
Gündəlik-Bakı bu məsələdə cənab Prezidentin həmişə olduğu kimi siyasi kursunu dəstəkləyir və bütün imkanlarımız daxilində hər an, hər zaman bir əsgər kimi dövlətimizin, dövlətçiliyimizin inkişafı üçün əlimizdən gələn bütün köməklikləri edəcəyik.
Və redaksiyamıza daxil olan məlumata görə, aprel ayı ərzində 20-dən artıq icra başçısı və 2 komitə sədri vəzifəsilə vidalaşacaq və layiq olduqları cəzanı alacaqlar.
Cənab Prezidentin siyasi diqtəsilə vəzifələrə yeni gənclər təyin olunacaq.
Siyasi komanda yaxın zamanda ciddi islahatları həyata keçirəcək.
Dövlətimiz və millətimiz üçün xeyirli olsun. //gundelik-baku.com//
Tarix: 6-04-2022, 11:01
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman