“Böyük Britaniya kimi ölkələr çox illik sistemin yaratdığı “görünməz əl” tərəfindən idarə edilir”


“Böyük Britaniya kimi ölkələr çox illik sistemin yaratdığı “görünməz əl” tərəfindən idarə edilir. Bu bir növ dövlətin bəlli bir strateji alqoritmi əsasında yaradılan “avtopilot” kimidir. Belə ölkələrdə hökümət başçıları həmin “avtopilot”a xidmət edən mexanik kimi olurlar. Bunu kimsə dəyişə bilməz. “Avtopilot”a xidmət edən mexanik alqoritmdə nəyisə dəyişməyə cəhd edərsə və xidməti normal icra edə bilməzsə, o zaman bu postda çox qala bilməzlər. Liz Trasın hakimiyyətdə cəmi 45 gün qala bilməsinin də əsl səbəbi elə bu idi”.
 
Pravda.az-ın xəbərinə görə, bunu ekspert Eldəniz Əmirov bildirib.

E.Əmirov qeyd edib ki, Hindistan tərəfindən Ermənistanın dəstəkləndiyi bir vaxtda hind əsilli  Rişi Sunakın Britaniyada hakimiyyət başına gəlməsi Azərbaycan tərəfində hər hansı narahatçılıq yaratmamalıdır: “Çünki Britaniya Azərbaycanı ən çox dəstəkləyən ölkələrdən biridir. Yeri gəlmişkən, Britaniya Azərbaycana ən çox investisiya yatıran ölkədir”.
Tarix: 25-10-2022, 11:26
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman