"Bu gün Moskvada Ermənistanla Azərbaycan arasında münasibətlərə, eləcə də Qarabağ nizamlanmasına həsr olunmuş bir sıra görüşlər keçirdik".

SİAM.AZ xəbər verir ki, bunu Rusiyanın xarici işlər naziri Sergey Lavrov deyib.
O, vəzifədaşları Ceyhun Bayramov və Ararat Mirzoyanla üçtərəfli görüşün yekunlarını şərh edib:
“Biz Rusiya Federasiyasının Prezidenti Putin, Azərbaycan Prezidenti Əliyev və Ermənistanın Baş naziri Paşinyan arasında 2022-ci ilin noyabrından sonra əldə edilmiş razılaşmaların həyata keçirilməsi üzrə iş kontekstində yaranan vəziyyətlə bağlı qiymət mübadiləsi apardıq.
Bu sazişlər Rusiya sülhməramlı kontingentinin məsuliyyət zonasında olduğu kimi Qarabağda da təhlükəsizliyin və sabitliyin təmin edilməsinə aiddir. Onlar, həmçinin, nəqliyyat və iqtisadi kommunikasiyaların blokdan çıxarılmasına təsir göstərirlər. Bunu Rusiya, Ermənistan və Azərbaycan baş nazirlərinin müavinlərinin rəhbərlik etdiyi üçtərəfli işçi qrupu həyata keçirir. Sazişlər humanitar məsələlərin həllini ehtiva edir. Söhbət ilk növbədə sərhədin delimitasiyası ilə onun sonradan demarkasiyasından gedir.
Bunun üçün Rusiya, Azərbaycan və Ermənistan liderlərinin ayrıca bəyanatı ilə Rusiya tərəfinin məsləhətçi qismində iştirakı ilə delimitasiya üzrə Ermənistan-Azərbaycan komissiyası yaradılıb.
Ayrıca bir mövzu sülh müqaviləsidir. Tərəflər bunun üzərində işləməyə başlayıblar və hazırda digər vasitəçilərin də cəlb olunması ilə aktiv şəkildə müzakirə olunur. Ermənistan və Azərbaycan nazirləri Vaşinqtona səfər ediblər, Ermənistan və Azərbaycan prezidentləri bir həftə əvvəl Brüsseldə olublar. Sülh müqaviləsi üzərində işləmək, əlbəttə, əsasdır. Amma tərəfdaşlarımız bu gün təsdiq etdilər ki, delimitasiya məsələləri həll olunmadan, nəqliyyat və iqtisadi kommunikasiyalar blokadadan çıxarılmadan Qarabağda və Ermənistan-Azərbaycan sərhədində təhlükəsizlik vəziyyəti ümumi yaxşılaşmadan sülh müqaviləsinin konkret aspektləri üzrə irəliləmək çətindir.
Bütün bunları kompleks şəkildə müzakirə edildi. Liderlərimizin qeyd olunan üçtərəfli bəyanatlarında əksini tapan ümumi səylərdə və qeyd etdiyim hər bir sahədə davam edən təmaslarda aparıcı rola görə Rusiya tərəfinə minnətdarlıq bildirildi.
Gələn həftə baş nazirin müavinlərinin rəhbərlik etdiyi üçtərəfli qrupun nəqliyyat kommunikasiyalarının blokadadan çıxarılması məsələlərinə dair iclası keçiriləcək. Ümid edirik ki, nəticə müsbət olacaq. Artıq tərəflər yekun razılaşmaya yaxındırlar. Rusiya Federasiyasının məşvərətçi iştirakı ilə sərhədin delimitasiyası və demarkasiyası üzrə ikitərəfli komissiyanın iclasının keçirilməsi barədə razılığa gəldik.
Sülh müqaviləsi və bu gün müzakirə edilən bir sıra maddələrə əsasən, hər iki tərəfin anlaşmasını ümumi baxışa yaxınlaşdırmaq mümkün idi. İndi Ermənistan və Azərbaycanın xarici işlər nazirləri arasında ikitərəfli görüş başlayıb, ondan sonra onlar əldə edilənlər barədə bizə məlumat verəcəklər.
Bizim vəzifəmiz ikitərəfli görüş üçün platforma təmin etmək idi. Öz yanaşmalarımızı qeyd etdik. Ümid edirik ki, bu tədbir Azərbaycan və Ermənistan nazirləri arasında davam edən danışıqlara əməli nəticələr əldə etməyə imkan verəcək. Biz Ermənistan-Azərbaycan münasibətlərinin normallaşdırılması üçün səylərin əsasını təşkil edən bütün üçtərəfli bəyanatların bütün müddəalarını tam şəkildə yerinə yetirmək üçün tərəqqiyə kömək etməyə davam edəcəyik”.
yenisabah.az

---

---