Qarabağdakı Rusiya sülhməramlılarının formatı dəyişəcək? - Korotçenkodan AÇIQLAMA

Qarabağdakı Rusiya sülhməramlılarının formatı dəyişəcək?
“Azərbaycanın Qarabağ regionundakı Rusiya sülhməramlılarının formatı dəyişə bilər. Ola bilsin ki, Rusiya Qarabağda müşahidə missiyası formatında fəaliyyətini davam etdirsin”

Siam.az Bizim.Media-ya istinadla xəbər verir ki, bunu Rusiyanın “Nasionalnaya Oborona” jurnalının baş redaktoru, hərbi ekspert İqor Korotçenko “Qarabağ münaqişəsinin bitməsindən sonra Cənubi Qafqazın inkişafı” adlı rusiyalı və azərbaycanlı ekspertlərin iştirakı ilə keçirilən dəyirmi masada çıxışı zamanı deyib.

Onun sözlərinə görə, sülhməramlıların fəaliyyəti ilə bağlı müxtəlif variantlar ola bilər:

"Düşünürəm ki, bu prinsipial məsələ Qırğızıstanda Rusiya və Azərbaycan prezidentlərinin görüşündə müzakirə olunacaq. Təxmin etmək olar ki, sülhməramlıların formatı dəyişsin.

Qarabağın erməni əhalisinin Azərbaycan cəmiyyətinə inteqrasiya prosesində sülhməramlıların nümayəndəsinin iştirakı mümkündür. Ola bilər ki, bu müşahidə missiyası formatında olsun".
Tarix: 12-10-2023, 22:22
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman