Bu nazirlər YOLA SALINIR... - SEÇKİDƏN DƏRHAL SONRA...


Fevralın 7-də keçiriləcək Prezindet Seçkilərində hakimiyyətin dəyişməyəcəyi qətiyyən şübhə doğurmur. Çünki faktiki namizədlər arasında Prezident İlham Əliyevlə rəqabət apara biləcək heç kim yoxdur.

JAMAZ.İNFO xəbər verir ki, hakimiyyət dəyişməsə də, hökumətin dəyişəcəyi istisna edilmir. Bu da onunla bağlıdır ki, İlham Əliyev post-Qarabağ dövründən sonra yeni komanda ilə hərəkət etmək dəst-xəttini tutacaq. Bu təkcə Qarabağ probleminin həlli ilə deyil, həm də dünyada baş verən hadisələr fonunda dinamik bir komandaya ehtiyac olması zərurətindən irəli gələn faktordur.

Bəs, kimlə qala bilər, kimlər gedə bilər? Bu suala birmənalı cavab vermək mümkün deyil. Ona görə ki, səlahiyyət dövlət başçısındadır və sərəncamları da o imzalayır. Lakin ümumi ehtimallar irəli sürmək mümkündür. Bu ehtimalların da reallaşma imkanları çox da ola bilər, az da.

JAMAZ.İNFO bununla bağlı təxmini bir yanaşma üzərində çalışıb. Mövcud komandada kimlərin qalacağı və kimlərin gedəcəyi barədə müəyyən ehtimallara əsaslanan proqnoz hazırlayıb. Həmin proqnozlarımızı hissə-hissə təqdim etməyə çalışacağıq.

İlk olaraq Müdafiə Nazirliyindən başlayaq. Bu nazirlikdə ciddi dəyişikliyin olacağı daha çox ehtimal ediləndir. Hələ bu yaxınlarda Xüsus Təyinatlı Qoşunların komandanı general Hikmət Mirzəyevin müdafiə nazirinin müavini postuna gətirilməsi də, belə deməyə əsas verir ki, o, seçkilərdən sonra yeni komandada Zakir Həsənovu əvəzləyəcək. Onun müavin təyin edilməsi də nazir postu üçün nəzərdə tutulmuş addımlardan biridir.

Nəzərə alaq ki, Azərbaycan yaxın gələcəkdə peşəkar ordu sisteminə keçməyi düşünür. Artıq alternativ hərbi xidmətlə bağlı müzakirələr belə başlayıb. O zaman nazir olaraq bu işin öhdəsindən Hikmət Mirzəyevin gələcəyi şübhə doğurmur.

İkinci dəyişiklik isə Əmək və Əhalinin Sosial Müdafiəsi Nazirliyində baş verə bilər. Nəzərə alaq ki, nazir Sahil Babayev ən çox tənqid olunan dövlət rəsmisidir. Bu sirr deyil ki, ƏƏSMN rəhbəri ölkədə ciddi sosial narazılığın yaranmasında bir çox rola malikdir. Əlillər, pensiya və digər bu kimi məsələlər fonunda hətta nazirliyin ləğv edilərək, Səhiyyə Nazirliyi ilə birləşdirilməsi ehtimalları da az deyil.

Qeyd edək ki, bununla bağlı müzakirələr hələ xeyli əvvəldən başlayıb. Bir-neçə deputat dilucu da olsa bildiriblər ki, dünyanın əksər ölkələrində ƏƏSMN Səhiyyə Nazirliyinin tərkibində xidmət formasında fəaliyyət göstərir. Analoji addımın Azərbaycanda da atılması ehtimal olunandır.

Postunu itirəcək məmurlardan biri də baş nazir Əli Əsədov hesab olunur. Köhnə komandanın üzvlərindən olan Əsədovun reputasiyası da bir o qədər parlaq deyil. Üstəlik, onun təmsil etdiyi Nazirlər Kabineti də kifayət qədər dinamik olmamaqla yanaşı, həm də astagəlliyi ilə seçilir. Lakin onun vəzifəsindən getməsinə səbəb olan amil bu deyil. Vacib detal odur ki, Əsədov qocalıb, onun yeni birisi ilə əvəzləmək zərurəti yaranıb.

Sual oluna bilər ki, yeni baş nazir kim ola bilər? Hakimiyyətin bu yöndə hansı addım atacağını proqnozlaşdırmaq çətindir. Çünki indiyə qədər bu posta keçmiş iqtisadiyyatla əlaqəsi olmayan şəxslər də gətiriliblər. Lakin böyük ehtimallardan biri də budur ki, yeni baş nazir faktiki iqtisadiyyat naziri Mikayıl Cabbarov olacaq.

Nəzərə alaq ki, Cabbarov hakimiyyətin ən etibar etdiyi kadrlardan biridir. Üstəlik, ona bir çox məsələlər etibar edilib və hazırda da bir çox əhəmiyyətli işlərin nəzarəti ondadır.

Digər nazir və qurumlar haqqında isə növbəti yazımızdan tanış ola biləcəksiz.
Tarix: 2-02-2024, 10:25
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman