"Şəfqət" Klinikasında anoloqsuz müalicə - VAXTI KEÇMİŞ DƏRMANLARLA...

Hörmətli redaksiya!

Mən Budaqova Səltənət İbrahim qızı və həyat yoldaşım Qasımov Cabir Sabir oğlu 26.01.2017 tarixdə sonsuzluq problemi ilə bağlı Sumqayıt şəhərində yerləşən "Şəfqət" Klininikasında baş həkim Fikrət Baxşəliyevə müraciət etmişdik. Onun təyinatına əsasən həmin klinikada muxtəlif qan analizlərindən və USM müayinəsindən kecmişdik. Analizlərin və USM müayinə cavablarına əsasən həkim bizə klinikanin daxilində və xaricində müalicə təyin etdi. Fikrət həkimin müalicə təyinatına əsasən mən və həyat yoldasim bir gündən bir "Şəfqət" klinikasında müalicə olunurduq.
Müalicənin 5-ci günündə bizə hansi iynə və dərman preparatlarının istifadə olunduğu ilə baqlı tibb bacısına suallar verdim. Tibb bacısı mənim suallarımdan yayındı, yalnız mən mənə istifadə olunmus bos iynə qablarını götürdüm, və anında aşkar etdim ki, bizə istifadə olunan bu dərmanların istifadə müddəti 07.2015 və 04.2016-ci il tarixlərində bitib və bu haqda anında məlumat verdim. Tibb bacısı bu hadisəni tamamilə inkar etdi. Daha sonra etiraf etdi ki, şübhələrim özünü doğruldur, çünki mənə klinikadan kənarda (yəni evə) verilən dərmanların da istifadə müddəti keçmişdi. Çünkü həmin dərmanlarının bəzilərinin yararlılıq müddəti göstərilən hissə kəsilib atılmışdı. (Yəni istifadə müddəti göstərilməmişdi).
Biz bu hadisəni həmin klinikanın baş həkimi Fikrət Baxşəliyevə bildirdik, cavabında sadəcə olaraq sakitləşməyimiz və bu hadisəni işıqlandırmamağımız xahiş olundu. Baş həkim bu hadisənin müqabilində bizə ödənilən məbləğin geri qaytarılmasını və ödənişsiz müalicə almağımızı təklif etdi. Əlbətdə ki, mən və həyat yoldaşım bu təklifə razılaşmayıb ödənilən məbləği götürüb klinikadan uzaqlaşdıq. Lakin mən və mənim həyat yoldaşım bu zəhərli müalicənin yarısından çoxunu demək olar ki, qəbul etmişdik.

Hörmətli Moderator.az!

Sizdən xahiş edirım ki, Sumqayıt şəhərində yerləşən və onun baş həkimi Fikrət Baxşəliyev və onun tibb bacıları ilə bağlı tutarlı ölçü götürəsiniz ki, bizim kimi qurbanların sayı azalsın. Bu hadisə ilə bağlı mənim telefonumda klinikanın baş həkimi Fikrət Baxşəliyevin və onun tibb bacılarının səs yazıları var. Bu hadisəni tam araşdırmaq üçün məndə olan səs yazılarını fakt və sübut üçün istifadə edə bilərsiniz.

Redaksiyadan: Biz şikayətçinin fəryadını olduğu kimi təqdim edirik və ümid edirik ki, Səhiyyə Nazirliyi məsələni araşdırıb müvafiq ölçü götürülməsini təmin edəcək. Eyni zamanda adıçəkilən tibb müəssisəsinin də mövqeyini işıqlandırmağa hazır olduğumuzu bəri başdan bəyan edirik.

---

---