Çimərlik mövsümü açılmayıb, amma giriş 30 manatdır

Ölkə ərazisində çimərlik mövsümünün iyunun 15-dən sonra açıq elan olunacağı bildirilsə də, hava şəraitinin isti keçməsi səbəbindən indidən dənizə gedənlərə rast gəlmək mümkündür.

BakuPost.az-ın əməkdaşının verdiyi məlumata görə, Xəzərin sahillərinə üz tutanlar heç də az deyil. Hətta onların arasında çimənlər də var.

Eyni zamanda Bakı Nəqliyyat Agentliyi də 9 marşrutun istiqamətinə dəyişiklik edərək onların yolunu çimərliklərə qədər uzadıb. Məqsəd insanların çimərliklərə gedişini yüksək səviyyədə təmin etməkdir.

Ancaq əksəriyyət dəniz kənarına gəzməyə, çay içməyə gedirlər. Artıq çimərliklər və dəniz qırağındakı kafe-restoranlar da fəaliyyətə başlayıblar.

Məsələn, Mərdəkan çimərliyində günorta və axşam saatlarında insanları görmək mümkündür. Mərdəkanda məşhur "Dalğa Beach” ən bahalı çimərliklərdən biridir. Bura təkcə giriş 30 manatdır. Bu istirahət mərkəzində 7 hovuz yaradılıb.

Bundan başqa, restoran, diskoteka və s. xidmətlər fəaliyyət göstərir. Onun yaxınlığındakı "Delfin” istirahət mərkəzi isə təbii ki, səviyyəsinə görə fərqlənir. Bu çimərlik daha kasıb adamlar üçün nəzərdə tutulub. "Delfin”ə giriş pulsuzdur. Burada müştərilərə bir sadə çaydan çay 5 manata verilir. Hətta özü ilə yemək gətirənlərə, iftar açanlara rast gəlmək olar.

Emil

---

---