Hələ də onun adamları meydan sulayır... - İDDİA

 

Xəbər verildiyi kimi, Əmək və əhalinin sosial müdafiəsi naziri Sahil Babayev rəhbərlik etdiyi nazirlikdə tədricən dəyişikliklər aparır. Ancaq maraqlıdır ki, nazir çıxardığı şəxslərin yerinə isə təyinat aparılmır. Bunu DSMF-nin ciddi nöqsanlara yol verdikləri üçün azad olunmuş 11 rayon üzrə şöbə müdirlərinin timsalında da görmək olar. Məlumat üçün cumhuriyyet.az bildirir ki, həmin 11 şöbə müdiri – Bakı şəhəri Yasamal rayon şöbəsi, Sabunçu rayon şöbəsi, Suraxanı rayon şöbəsi, Xətai rayon şöbəsi, Xaçmaz rayon şöbəsi, Quba rayon şöbəsi, Şirvan rayon şöbəsi, Lənkəran rayon şöbəsi, Cəlilabad rayon şöbəsi, Salyan rayon şöbəsi, Şamaxı rayon şöbəsinin müdirlərinin ciddi nöqsanlara yol verdiyini Sahil Babayev ötən həftə keçirdiyi iclasda deyib. Lakin onların hətta bəzilərinin vəzifədən çıxarılmasından 3 ay ötsə də, yerinə hələlik təyinat olmayıb.
Maraqlıdır ki, bu hal nazirliyin aparatında da özünü göstərir. Belə ki, işdən azad edilən bir çox şöbə müdirlərinin yerinə də hələ ki təyinat aparılmayıb. Məsələn, ötən ay sabiq nazir Səlim Müslümovun əmisi oğlu, nazirin müşaviri Yalçın Müslümovdan boşalan post hələ də sahibini gözləyir. Bundan başqa nazirliyin aparat rəhbəri vzəifəsinə də təyinat yoxdur. Bu vəzifəni nazirin yeni təyin etdiyi müşavir Anar Əliyev icra edir. Eyni halı bir çox şöbələrin simasında da görmək olar. Bəli, faktdır ki, Sahil Babayev indiyədək çıxardığı şəxslərin böyük əksəriyyətinin yerinə də rəsmi təyinat apara bilməyib. Halbuki, nazirlik və ona bağlı olan qurumlarda xeyli şöbə müdirləri vəzifəsi vakant olaraq qalır. Hamısını ya müavinləri, ya da sektor müdirləri əvəz edir.
Diqqətçəkən məqamlardan biri də odur ki, Fazil Talıbovun nazirliyin ictiamiyyətlə əlaqələr şöbəsinin müdiri təyin olunması xəbəri də doğru deyil. Belə ki, o, həmin şöbəyə əslində müdir müavini təyin edilib, sadəcə şöbə müdiri vəzifəsini indiyədək icra edir. Yəni Sahil Babayevin ənənəvi taktikası burada da öz sözünü deyib. Yeni nazirin nədən belə hürkək davranmasına gəlincə, qanuna görə elə vəzifələr var ki, mütləq dövlət qulluğuna imtahan verib, uğurla keçdikdən sonra təyinat aparıla bilər. Məlum deyil ki, Sahil Babayev Dövlət İmtahan Mərkəzinə hazırda nə qədər vakant yerlə bağlı sifariş verib. Hazırda nazirlikdəki şöbə müdirləri vəzifəsi haqda heç yerə məlumat da verilməyib. Başqa sözlə desək, yeni nazir ya müqavilə ilə, ya da əvəzedici təyinatlar verməklə nazirliyi kadr məsələlərində sanki zamanın öhdəsinə buraxıb. Yəni bu gün ƏƏSMN faktiki belə idarə olunur, iddia olunduğu kimi, heç bir ciddi dəyişiklik və islahat da olmayıb. Lakin bu istiqamətdə nəzərəçarpacaq proses gedir. Lakin bunların nə dərəcə effektli olacağını zaman göstərəcək….
Məlumata görə, hazırda ƏƏSMN və onun strukturlarında sabiq nazirin kifayət qədər ciddi vəzifələr tutan qohumları və sadiq kadrları var. Bununla bağlı cumhuriyyet.az-a daxil olan məlumata görə, Səlim Müslümovun qaynı, DSMF-nin ondun Hərbi qulluqçular və xüsusi rütbəli şəxslərlə iş idarəsinin rəisi Ağalar Xasayevdən tutmuş, nazirliyin iqtisadiyyat şöbəsinin müdiri Şəlalə Cəfərova və digərləri ilə yanaşı, hal-hazıra qədər nazirin köməkçisi olan İqbal Hacıyev hələ də iş başındadır. Sabiq nazirin qohumlarını vəzifəyə yerləşdirməsinə xüsusi şərh verməyə ehtiyac yoxdur. Çünki bu, birbaşa “Korrupsiya haqqına” qanuna zidd olmaqla yanaşı, izahı ortada olan məsələdir. Lakin faktiki bu saat da nazirlikdə Səlim Müslümova sadiq olan, onun sayəsində sürətli yüksəliş qazanmış kadrlar da az deyil. Onların arasında Şəlalə Cəfərovanın və hazırda da yeni nazirin köməkçisi olan İqbal Hacıyevin adını da çəkmək olar.
Qeyd edim ki, hazırda Sahil Babayevin də köməkçisi vəzifəsini yerinə yetirən İqbal Hacıyev ta Səlim Müslümov DSMF-nin rəhbəri olandan onunla addımlayıb. Bu gün isə yeni nazirin “kuxna”sındadır. Elə ötən həftə nazirin 11 DSMF müdiri haqda verdiyi açıqlamanın keçirildiyi iclasda da İqbal Hacıyev ordaydı. Nə sirrdirsə, yeni nazir də hələlik ona böyük ehtiyac duyur.
Məlumata görə, nazir Sahil Babayev ƏƏSMN və onun strukturlarına kök salmış “köhnə qvardiya” ilə tələsik vidalaşmaq niyyətində deyil: “Onlarla bu ilin sonunadək vidalaşacaqlar. Həmin vaxta qədər də yeni nazir bu sahədə artıq yetişən kadrları önəmli vəzifələrə gətirəcək…”. 
Tarix: 23-07-2018, 11:11
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman