Sahil Babayev özünü necə cəncələ salmaqdadır... - ƏƏSMN-də ikitirəlik...

 "ƏƏSMN-də ikitirəlik hpkm sürür". Bu ifadələr Siam.az -a göndərilən məqalədə yer alıb. Daha sonra məqalədə deyilir:

"4 aydır əmək və əhalinin sosial müdafiəsi naziri postunu daşıyan Sahil Babayev son vaxtlar özünün təbliğatında ciddi qüsurlara yol verməklə məşğuldur. Belə ki, son prezident seçkilərindən sonra cəmiyyətin diqqəti yeni gənc nazirlərə yönəldi. Kənd təsərrüfatı naziri vəzifəsinə gətirilən İnam Kərimov bu diqqəti özünün piarına yönəldə bildi. Yeni nazir özünün "qalstuksuz nazir" imicini yarada bildi. Onun bu və ya digər tədbirlərə qalstuksuz , sadə şəkildə görünməyi müəyyən mənada yenilik kimi qəbul olundu.
ƏƏSMN-dəki mənbənini məlumatına əsasən, son vaxtlar S.Babayev həmkarının bu metodundan yararlanmaq niyyətinə düşüb. Amma S.Babayev özünün piarını quran zaman ciddi qusurlara yol verdiyinin və həmkarının hərəkətlərini süni şəkildə təkrar etdiyinin fərqinə varmır. Ya da bunu ona çatdıra biləcək kadrı yoxdur. S.Babayev əlilliyi olan şəxslərlə nazirliyin hansısa müəssiəsində qalstuksuz görüşərək özünün sadə nazir imicini yaratmaq istəyir. Mətbuata yayılan bu şəkilərdəki süni görüntülər bunun kökündə nəyin durduğunu isə açıq şəkildə ortaya qoyur. Bu niyyətin nə olduğunu görmək üçün isə uzağa getmək lazım deyil. Nazirliyin facebook-dakı səhifəsin diqqət etmək kifayət edir. Belə görüşləri əks etdirən şəkillərin altına yalançı profillərdən nazirin ünvanına təriflər yağdırılır - "Sadə nazir" "təvözəkar adam" "əsl xalq adamı" və s. Bu şərhlərdə tənqid və ya alternativ fikir ümumiyyətlə yoxdur. Ən maraqlısı isə budur ki nazirliyin sosial şəbəkəsində yer alan bu şərhlərdə ancaq və ancaq naziri tərifləyirlər....
Görünür yeni nazir prezidentin onu bu posta niyə təyin etdiyini unudub. Ya da yeni nazir özünün piarını bu sahədə "qısır" olan adamlara tapşırıb.
Nazirlikdəki mənbənin bildirdiyi digər məlumata görə, gənc nazir özünün adamlarına nazirlikdə xüsusi imtiyazlar da verib. Həmin kadrların əksəriyyəti əvvəl işlədikləri yerlərdə əlavələri ilə birlikdə yüksək məvacib alan şəxslər olub. Onların indi ƏƏSMN-də 700-800 manatlıq işlərə təyinat alması və bu məbləğin həmin şəxsləri “qane” etməsi müəyyən suallar doğurur. Mənbənin məlumatına görə, sabiq işçilərə hər şeyin şəffaf olacağı deyilsə də, buna inanmaq çətindir. Çünki yeni nazirin yeni komandasında yer alan şəxslər əvvəl işlədikləri yerlərdə kifayət qədər yüksək məbləğə çalışıblar. Bu isə nazirlikdə müəyyən mənada ikitirəliyin yaranmasına gətirib çıxarıb.
Nazirin öz komandasına verdiyi digər imtiyazlar və onların ərköyün davranışları barədə növbəti yazılarımızda ətraflı məlumat veriləcək…"

Bütün tərəfləri dinləməyə hazırıq...

---

---