Kabab insanı arıqladır
Türkiyənin daxili xəstəliklər üzrə mütəxəssisi, professor Canan Karatay daha bir açıqlaması ilə müzakirələrə səbəb olub

Cahan.info xəbər verir ki, professor bol quyruq yağı ilə qızardılmış kababın arıqlamaqda faydası olduğunu deyib.

I Adana Sağlıq Festivalına qatılan mütəxəssis bol quyruq yağında bişirilmiş kababın ürək rahatlığı ilə yeyilə biləcəyini tövsiyə edib:

“Amma kababın yanında plov, kartof və makaron olmamalıdır. Bol yağlı yediyiniz zaman protein də qəbul etdiyiniz üçün rahat şəkildə artıq çəkidən qurtula bilərsiniz. Təbii yağlarla bişirilən yeməklə bilinənin əksinə olaraq, arıqlamağa yardımçı olur. Artıq çəkiyə səbəb olan qidalar şəkər, un və trans yağlardır. Bunlardan uzaq qalmaq lazımdır. Həqiqi yağlardan olan kərə, quyruq və zeytun yağı piylənməyə səbəb olmur”.