Cahan.info-ya rayondan gələn məlumatlarda iddia edilir ki, nazirlik Ağdam təhsil şöbəsində yoxlamalara başlayıb.
Təhsil şöbəsi müdiri Mətanət Misirxanovanın fəaliyyəti, rayondakı məktəblərin tədris səviyyəsi, nizam-intizam qaydaları araşdırılır.
Ağdam təhsil şöbəsinin qeyri-qanuni yığımlara başlaması, yeyintilərə yol verməsi barədə mətbuatda dolaşan iddialar nazirlik tərəfindən təftiş edilir.
Xüsusən də rəsmi əmri verilməyən təhsil şöbəsi müdirinin müavini Farid Muradov barəsində yayılan məlumatlar da yoxlanılır.
Nazirlik Bakıda 162 saylı məktəbdə baş verən intihardan sonra təhsil sektorunda nəzarəti gücləndirir.
Xüsusən də təhsil şöbələrinin müdirləri, məktəb direktorları ilə bağlı şikayətlərə, mətbuatda gedən məlumatlara diqqət edilir, araşdırılır.
Belə iddialar var ki, M.Misirxanova Ağdam təhsil şöbəsində bazar açıb, məktəblərdən pul yığır, direktorları sıxışdırır, müavini Farid Muradovu da qabağa verərək bir sıra işləri onun əli ilə həyata keçirir.
Ağdamdan gələn xəbərlərdə deyilir ki, M.Misirxanovanın "sağ əli" missiyasını yerinə yetirən F.Muradov məktəblərin, texnikumların, peşə liseylərinin başına bəla olub.
Onun gəldiyi gündən Ağdam təhsili ilə əlaqəli adamlar erməni ilə sərhəddə olduqlarını unudublar.
İddialara görə, F.Muradov məktəb direktorlarına "gün verib, işıq vermir". Onlardan rüşvət tələbi, əsassız pul yığımı, müəllimlərdən bu vəsaitlərin alınması ciddi narazılıq yaratmaqdadır.
Nazirlik tərəfindən yoxlamaların necə qurtaracağını zaman göstərəcək. Lakin nazir Ceyhun Bayramov M.Misirxanova barədə komissiyadan real hesabat və dosye tələb edəcək. Bundan sonra Ağdam təhsil şöbəsinin xanım müdirinin postundakı aqibətinə aydınlıq gələcək.
Ağdam Təhsil Şöbəsi müdiri Mətanət Misirxanovanın adı bu dəfə MTN işi üzrə məhkəmədə keçir.
Cahan.info xəbər verir ki, Ağdam təhsilində biabırçı olaylar yenə davam edir. Bundan əlavə, məktəb direktoru olmaq üçün keçirilən müsabiqədə kim Mətanət Misirxanova ilə anlaşıbsa, o da qalib olub.
Baxça müdiri Mətanət Misirxanovanın Ağdam Rayon Təhsil Şöbəsinin rəhbəri vəzifəsinə təyin edilməsindən sonra vəziyyət rəzalətə çevrilib.
Rüşvət əvvəl bir idisə, indi beşə qalxıb. Bu sahədə kifayət qədər səriştəsi olmayan xanım Misirxanova, Təhsil Şöbəsini bazar qaydaları ilə idarə edir.
Təhsil şöbəsi ilə bağlı sensasion faktların üstü açılıb, M.Misirxanova barəsində ifşaedici məqamlar yer alıb.
Təqsirləndirilən Ağdamın Yüzbaşı kənd məktəbinin riyaziyyat müəllimi Vüsal Əliyevin anası Hüsürə Əliyeva criminal.az-a bildirib ki, hər şey oğlu Vüsalın işlədiyi məktəbdəki özbaşınalıqla bağlı yazdığı şikayətlərdən başlayıb:
Hələ oğlunun həbsindən əvvəl Yüzbaşı kənd orta məktəbindən şikayətlər etsələr də, Təhsil Nazirliyinin Tərtər Regional İdarəsində ört-basdır edilib.
Onun fikrincə, regional şöbə öz vəzifəsinin öhdəsinən vaxdında gəlsəydi, Ağdam təhsilində qanunsuzluqlar belə baş alıb getməzdi:
“Ağdam Təhsil Şöbəsinə 2015-ci ilin noyabr ayının 16-da müdir təyin edilmiş Misirxanova Mətanət həmin vəzifəyə gətiriləndən sonra Ağdam təhsili bərbad vəziyyətə düşməyə başladı.
Təhsil naziri Ceyhun Bayramovun imzası ilə 19.03.2018-ci il tarixli K-251 nömrəli əmrdə də Ağdam təhsilinin Mətanət Misirxanova tərəfindən bərbad vəziyyətdə salınması göstərilib.
Yazıda adı keçən bütün tərəflərin mövqeyini dərc etməyə hazırıq.
.jpg)
.jpg)
