Hava nə qədər isti olsa da, meşə heç vaxt öz-özündən yanmaz. Meşəni yandırırlar!
Bu sözləri Sitat.info-ya ekoloq Telman Zeynalov son günlərdə regionlarımızda baş verən meşə yanğınları haqda danışarkən deyib.
O bildirib ki, bəzi iş adamları ağacları satmaq məqsədi ilə kəsir:
“Mebel hazırlamaq və ya satmaq məqsədi ilə meşədə ağacları kəsirlər. Daha sonra törətdikləri əməlləri ört-basdır etmək üçün bu yollara əl atırlar. Axırda ad olur ki, “meşə yandı”.
İlk növbədə quraqlığın qarşısını almaq üçün meşə salınmalıdır. Bizimkilər isə əksinə edir! Meşəni məhv edirlər! Daha düşünmürlər ki, meşə külək, nəmişlik, yağış yaradır”, - ekoloq deyib.
/Axar.az