Mərkəzi Nəbatat bağında qanunsuz tikilən 40-a yaxın ictimai iaşə obyekti söküldü


 "Mərkəzi Nəbatat bağında qanunsuz tikilən 40-a yaxın ictimai iaşə obyekti sökülüb".
 
Bunu Bakı Şəhər İcra Hakimiyyətinin şöbə müdiri Elmin İmanov deyib.
 
O bildirib ki, artıq bağın ərazisində qanunsuz tikililər yoxdur: "Əvvəllər bağın ərazisində qeyri-qanuni formada tikilmiş "Şəki", "Qəbələ" restoranları, avtomobil-təmir sexləri vardı. Artıq onlar sökülüb, yerində isə bir hissədə avtomobillər üçün parkinq yaradılacaq, digər hissədə isə ağacların əkilməsi nəzərdə tutulub".
 
E.İmanov qeyd edib ki, həmçinin bağın ərazisindəki qəzalı şəraitdə olan binalar sökülüb.
 
Şöbə müdiri söyləyib ki, Mərkəzi Nəbatat bağında şəhər daxilində yeni bir meşə yaradılır və burada Ekologiya və Təbii Sərvətlər Nazirliyi və BŞİH tərəfindən davamlı olaraq monitorinqlər aparılır./Report
Tarix: 5-05-2023, 13:49
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman