Ağdam icra başçısının oğlu özünə bahalı avtomobil aldı: 150 min manata - Fotofakt

Ağdamın icra başşısı Raquf Məmmədov və oğlu Sənan Məmməzadə ilə bağlı redaksiyaya ilginc məlumatlar daxil olub

Azerinews.tv bildirir ki, adının çəkilməyin istəməyən şəxs başçı oğlunun son aylar bahalı avtomobil və dəbdəbəli villalar həvəskarı olduğunu müşahidə etdiyini bildirir.
Mənbəmiz, kiçik bir dövlət idarəsində işləyən bir şəxsin qısa müddət ərzində böyük sərvətə sahib olması ancaq və ancaq koorrupsiya mexanizminin təzəhürü olduğunu deyir.
Beləki, azerinews.tv-yə göndərilən məlumatda deyilir: "Ağdamın icra başşısı Raquf Məmmədovun oğlu Suraxanı rayon Məşğulluq idarəsinin rəisi Sənan Məmmədzadə özünə bahalı avtomobil alıb. İşlədiyi idarədə 500 manat əmək haqqı alan məmur oğlu 3 il ərzində buna necə nail olması, əlbəttdə ki, insanlar arasında təccüb doğurmaya bilməz. Başçı oğlu Sənan Məmmədzadə öz biznesini atasını rəhbər olduğu Ağdam rayonunda da inkişaf etdirir. Təmasxəttinə yaxın olan rayoda min hektarlarla soğan və yerkökü əkdirən Raquf Məmmədov söz -söhbətdən uzaq olmaq üçün bu biznesi oğluna həvalə edib. 100 minlərlə ton soğan, yerkökü əkdirən icra başçısı məhsulu topdan satmaq üçündə "Vosmoy bazarı” və "Meyvəli" adlanan bazarda dostlarının hesabına yer də alıb...
Bir neçə ildi Ağdamda rayon rəhbəri olan ata Məmmədov yerli sakinlər üçün heç bir iş görməsə də bu biznesdə, deyilənlərə görə, qazancı elədə pis deyil. Övladlarına gün ağlayan rayon rəhbəri, onların yaxşı yaşaması yoluna dəridən- qabıqdan belə çıxır. Yerli məmurlarla 40 faizə işləyən icra başçısı, əslən ağdamlı olsada, problem içində olan vətəndaşlarına "barmaqarası " baxır. Məlumatlara görə, bahalı maşınlar, dəbdəbəli həyat tərzinə üstünlük verən rayon rəhbəri və onun övladları sərvət avcıları olub desək yanılmarıq. Həmin şəxslər ki, ayda bahalı maşınlar və saraylar alır. Və kimsə bu adamlara gözün üstə qaşın var demir. Qeyd edək ki, son bir ildə Ağdam rayonuda şikayətçilərin kütləvi hal aldığı rayonlar sırasındadı. İcra başçısında heç də bundan narahat deyil..."
Qeyd: İcra başçısının oğlu, Suraxanı Məşğulluq idarəsinin rəisi Sənan Məmmədzadənin aldığı avtobobil 150 min manatdır. 10 SM 777 serya nömrəli bu avtomobilin nömrəsi 15 min manatdı. 500 manat əmək haqqı alan bir məmurun bir il ərzində belə bir avtomobilə sahib olması həqiqətən də təccüb yaradır. Bu gün düşmənlə üzbəüz olub, evinə bir çörəyi zorla alan insanlarının yaşadığı rayonda belə dəbdəbəni görmək həqiqətəndə tək bizləri yox, yuxarılarıda narahat etməlidi. Biz buna inanırıq.
Onuda bildirək ki, Ağdam icra başçısı Raquf Məmmədovun adı, aylar öncə məlum MTN"işi"ndə də keçmişdi...
Qarşı tərəfidə dinləməyə hazırıq

---

---