Qazaxın icra başçısını görən olmayıb ki... - GİLEY

Qazaxın icra başçısını görən olmayıb ki...
Prezident İlham Əliyevin məmurlardan əsas tələblərinin başında gələni onların xalqla təmaslarının intensiv təşkilidir, desək, yanılmarıq. Bunu elə ayrı-ayrı nazirlərin, komitə sədrlərinin, deputatların təşkil etdiyi vətəndaş qəbullarının populyarlılığından, habelə bir siyasətə çevrilməsindən də aydın şəkildə görmək olar. Amma maləsəf ki, əksər icra başçıları üçün qeyd etdiyimiz tələbin zərrə qədərində əhəmiyyəti də yoxdur.

Doğrudur, bunu prioritet dəst-xətt kimi qəbul edib, fəaliyyətini quranlar da var. Məsələn, Beyləqanın icra başçısını davamlı olaraq xalqla təmasda görmək olar... Hətta yerli sakinlər onu əksər hallarda icra hakimiyyətinin qarşısındakı parkda da rahatlıqla görə bilirlər. Eləcə də Füzuli, Tərtər kimi rayonların rəhbərləri də xalqla təmasa maraqlı görünürlər.

Amma Qazaxda bu belə deyil və DİA.AZ-a müraciət edən Qazax rayon sakinləri bizdən soruşurlar ki, bəlkə onların icra başçılarını Bakıda görən olub...

Sakinlər dia.az-a bildirirlər ki, başçının qəbuluna düşmək Qazaxda loteereya udmaq kimi bir şeydir: "Biz üzümüzü ölkə rəhbərliyinə tutaraq xahiş edirik ki, Qazaxa xalqdan qorxmayan bir rəhbər göndərilsin. Rəcəb Babaşov elə bil ki, Qazaxa müvəqqəti gəlib, hər an gedəcəyini bildiyindən, ya nədən rayonun halına acımır. Bizə ünvan deyin ki, ora şikayət edək, dərdimizi deyək"...

İddia olunanlarla bağlı qarşı tərəfi də dinləməyə hazırıq...

P.S. Qeyd edək ki, bu kimi tənqidi materialların ardından icra başçısının əldə hazır saxladığı "CAVAB ATƏŞİ USTALARI" dərhal başqa KİV-lərə çıxaraq Rəcəb Babaşovun şəninə təriflər yağdırır, onu tənqid edən medianı isə az qala "vətənə xəyanətdə" ittiham edirlər. Yəqin ki, bu səfər də belə olacaq... Amma belə davranmaqdansa, cənab Babaşov yarımca saat qazaxlıları dinləsəydi, daha doğru olardı... 
Tarix: 28-09-2018, 13:25
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman