Rayon rəhbərinin sədrliyi ilə növbəti aparat müşavirəsi keçirilib

Tərtər Rayon İcra Hakimiyyətinin başçısı Müstəqim Məmmədovun sədrliyi ilə keçirilən 
müşavirədə rayon  icra hakimiyyəti başçısı aparatının əməkdaşları, İƏD üzrə 
nümayəndələr, bələdiyyə sədrləri, idarə, müəssisə və təşkilat rəhbərləri iştirak ediblər.
Müşavirədə rayon rəhbəri tərəfindən aidiyyəti qrumların rəhbərlərinə Heydər Əliyev ili 
ilə bağlı Tədbirlər Planının icrasının təmin edilməsi, Ulu Öndər Heydər Əliyevin 100 illik 
yubileyi münasibəti ilə 10 may 2023-cü il tarixdə keçiriləcək ümumrayon tədbirinin və 
konsert proqramının təşkil edilməsi, idarə müəssisə və təşkilatlarda Ulu Öndərlə bağlı 
tədbirlərin il ərzində davam etdirilməsi barədə müvafiq tapşırıq və tövsiyələr verilmişdir. 
Həmçinin müşavirədə Azərbaycan Respublikası Prezidentinin fərman və 
sərəncamlarının yerinə yetirilməsi, icra nümayəndələri tərəfindən "ev təsərrüfatlarının 
uçotu sistemi”nə işlənmiş məlumatlarda dürüstləşmə işlərinin aparılması, vətəndaş 
müraciətlərinə müvafiq qanunvericiliyin tələblərinə  uyğun olaraq operativ surətdə 
baxılaraq vətəndaş məmnunluğunun təmin olunması, şəhid və qazi ailələrinin problem 
və sosial qayğılarının öyrənilib həlli istiqamətində müvafiq tədbirlərin görülməsi, İƏD 
üzrə nümayəndələr tərəfindən əhali arasında əmlaklarının sğortalanması istiqamətində 
marifləndirmə işlərinin aparılması, şöbələr üzrə verilmiş tapşırıqların icra vəziyyəti, 
yerlərdə səyyar qəbulların təşkili, rayon ərazisində aparılan tikinti işlərinin mövcud 
qanunvericiliyin və şəhərsalma-arxitektura tələblərinə uyğun təmin edilməsi, əkin 
sahələrinin suvarılma suyuna olan təlabatının növbəlilik əsasında təşkil olunması, aqrar 
sahədə aparılan mövsümi işlər-pambıqın becərilməsi, ipəkqurdunun yetişdirilməsi, taxıl 
biçininə hazırlıq və bütün yaşayış məntəqələrində, yolkənarı ərazilərdə təmizlik-abadlıq 
işlərinin aparılması məsələləri də müzakirə olunub.

---

---