Tərtərdə 3-cu dərəcəli Vətən müharibəsi əlili Abbaslı Sadiq Rəfael oğlunun qardaşının toy mərasimi keçirilib


Tərtər rayon Azad Qaraqoyunlu kənd sakini, 3-cu dərəcəli Vətən müharibəsi
əlili Abbaslı Sadiq Rəfael oğlunun qardaşı Abbaslı Orucun toy mərasimi
keçirilib.
Toy şənliyində ailə üzvləri ilə bərabər Tərtər Rayon İcra Hakimiyyətinin başçısı
Müstəqim Məmmədov, YAP rayon təşkilatının sədri Eldar Əsədov, hüquq
mühafizə orqanlarının əməkdaşları, şəhid ailələri, Vətən müharibəsi qaziləri,
veteranlar da iştirak ediblər.
Tərtər rayon İcra Hakimiyyətinin başçısı Müstəqim Məmmədov toy
mərasimində çıxış edərək yeni ailə quran gəncləri təbrik edib, onlara
xoşbəxtlik, firavan həyat arzulayıb.
Rayon rəhbəri dövlət başçısı cənab İlham Əliyevin və Birinci vitse-prezident
Mehriban xanım Əliyevanın daim şəhid və qazi ailələrinin yanında olduqlarını,
onların problemlərinə diqqət və qayğı ilə yanaşdıqlarını və möhtərəm
Prezidentin bütün dövlət qurumlarının qarşısında bu həssas təbəqəyə aid olan
insanların problemlərinin həllini bir nömrəli vəzifə kimi müəyyən etdiyini
vurğulayıb. Şəhid ailələrinə, qazilərə və veteranlara göstərilən diqqət və
qayğının dövlət siyasətinin prioritetlərindən olduğunu qeyd edib.
Toy şənliyində digər çıxış edənlər də yeni ailə quran çütlüyü təbrik edib,
onlara xoş arzularını çatdırıb, xoşbəxt, firavan həyat arzulayıblar.
Qeyd edək ki, N saylı əlahiddə kəşfiyyat taborunun müddətdən artıq hərbi
xidmət keçən hərbi qulluqçusu Abbaslı Sadiq Rəfael oğlu Vətən
Müharibəsində Talış və Suqovuşan kəndləri istiqamətində gedən döyüşlərdə
iştirak edib. 3-cu dərəcəli Vətən müharibəsi əlilidir. Azərbaycan Respublikası
Prezidenti cənab İlham Əliyevin müvafiq Sərəncamları ilə “Cəsur döyüşcü”,
“Suqovuşanın azad olunmasına görə”, Azərbaycan Respublikasının Baş naziri
Əli Əsədovun Sərəncamı ilə “Vətən müharibəsi iştirakçısı” medalları ilə təltif
olunub.
Qazi Abbaslı Sadiq və ailə üzvləri şəhid ailələrinə, qazilərə, müharibə
veteranlarına göstərilən diqqət və qayğıya görə Azərbaycan Respublikasının
Prezidenti cənab İlham Əliyevə və Birinci vitse-prezident Mehriban xanım
Əliyevaya minnnətdarlıqlarını bildiriblər.
 
Tarix: 11-11-2024, 10:00
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman