Mingəçevirdə intihara cəhd hadisəsi baş verib.
"Report" xəbər verir ki, hadisə dünən axşam saatlarında, şəhərin Ş.İ.Xətai küçəsi 7 ünvanında baş verib.
Belə ki, şəhər sakini özünü yaşadığı binanın dördüncü mərtəbəsindən ataraq intihara cəhd edib. Nəticədə o, ağır xəsarət alıb. Yaralı xəstəxanaya yerləşdirilib. Həkimlərin səylərinə baxmayaraq, mayın 15-də axşam saatlarında özünü yaşadığı binanın dördüncü mərtəbəsindən ataraq intihara cəhd edən 1979-cu il təvəllüdlü Nigar Koroğlu qızı Haxverdiyevanın həyatını xilas etmək mümkün olmayıb.
İlkin məlumata görə, bir övladı olan qadın anası ilə mübahisə edib və bundan sonra intihar etmək qərarına gəlib.
Faktla bağlı araşdırma aparılır.
