İspan mediası Arda Turanı yerdən-yerə vurdu....

İspan mediası Arda Turan haqqında: “ indi Başakşəhərin etməli olduğu ilk şey Ardanı klubdan qovmaqdır. Mənfi xarakter milyoner olan Arda Turan istedadını öz əlləri ilə kanalizasiyaya atdı” – deyə bir yazı yazıb.

Musavat.com xəbər verir ki, Ardan Turanın keçdiyimiz həftə müğənni Bərkayla arsında yaşanan qalmaqal ispan mediasının da gündəminə düşüb.
Belə ki, İspaniyada tanınmış idman jurnalistlərindən biri olan Toni Frieros Arda Turan haqqızda ağır bir yazı yazıb.

“Empatiya, uyğunlaşma, fəaliyyət: sıfır, sıfır, sıfır”...

Toni Friores: “ Arda Barselona üçün ən uğursuz transferlərdən biri idi. Bu təbii ki, Barselonanın günahı deyil. Bütün məsuliyyət Arda Turanda idi. Barselonanı bütün dünyaya özünü göstərə biləcəyi bir yer kimi deyil də , zəngin bir İstanbul məhəlləsi olaraq gördü və özünə lüks şəraitli həyat qurmağa çalışdı. Onda sıfır empatiya, sıfır uyğunlaşma və sıfır fəaliyyət görürdük. 4 il İspaniyada yaşayıb, tək kəlimə də öyrənmədi” – başlığı ilə başladığı yazısını: “heç kim onu istəmirdi. Elə bir vəziyyət yarandı ki, Barselona onunla nə edəcəyini bilmirdi. Barselonada yaratdığı iqtisadi çöküşün qarşılığını vermək üçün heç bir komanda könüllü olmurdu. Hətta Türkiyədəki böyük klublar belə onu istəmədi. Sonda Başakşəhər kimi kiçik kluba dəvət aldı”.

“Türkiyədəki kariyerasını torpağa basdırdı”…

“Türkiyəyə qayıdan Arda kariyerasını yüksəltmək yerinə, torpağa basdırdı. Keçən il bir hakimə hücum etdi, 16 oyunluq cəza aldı. Bir neçə gün əvvəl isə bir ifaçıya hücum edərək burnunu qırıb və medianın gündəmini zəbt edib”.

“Mənfi xarakteri bir milyonerdi”...

“İndi Başakşəhərin etməli olduğu ilk şey onu klubdan qovmaqdır. Mənfi xarakterli bir milyoner olan Arda Turan istedadını öz əlləriylə kanalizasiyaya atdı ”.