Məxfi xidmətlər: “Mossad”, FSB və CİA-nın iş metodu - İçimizdəki “gizli düşmən“

Dünyada geniş tanınmış kəşfiyyat xidmətləri haqqında nə bilirik?
 
Yenisabah.az qlobal siyahıda adları tez-tez hallanan məxfi xidmət qurumları haqqında bilgiləri oxucuları ilə bölüşür:
 
Hər dəfə “Mossad” adı gələndə İsrail kəşfiyyatının öncüləri başa düşülür. “AMAN” - onun ana qoludur. “AMAN”ın başında şəxs nə ölkə rəhbərinə, nə də parlamentə bağlı olmadan ölkə üçün ən önəmli məxfi qərarlar qəbul edir. O, heç kimə hesabat vermir. Əsasən xarici ölkələrdə əks-kəşfiyyat işi ilə məşğuldurlar. 
 
“AMAN”ın əsas zərbə gücü “Sayeret Matkal” adlı xüsusi təyinatlı dəstədir. Onlar istənilən şəraitdə taktiki və stratejik əməliyyatlar keçirməyə qadirdirlər. 
 
“Mossad” dünyanın ən cəsarətli gizli əməliyyatı 1972-ci ildə Münhen Olimpiadasında 11 İsrail idmançısının girov götürülməsi və öldürülməsindən məsul olan bütün Fələstin fəallarının qətlidir. Bu, “Tanrı qəzəbi” əməliyyatı kimi tanınılır. 
 
FSB - federal Təhlükəsizlik Xidməti Rusiya Federasiyasının əsas daxili təhlükəsizlik orqanıdır və mütəşəkkil cinayətkarlıqla yanaşı, terrorizmdən və narkotik qaçaqmalçılığı ilə mübarizədən məsuldur. 2011-ci ildə FSB 8 terror aktı daxil olmaqla, 94 terror xarakterli cinayətin qarşısını və Yeni il ərəfəsində Moskvada planlaşdırılan intihar hücumunun qarşısını alıb.
 
MI6, yaxud “Military Intelligence Section 6” Böyük Britaniya qurumudur. 1569-cu ildə kraliça I Elizabet dönəmində dövlət katibi olmuş Frensis Uolsingemin qurduğu məxfi xidmətin oxşarıdır. Daha sonra Mansfild Kamminq tərəfindən Birinci Dünya müharibəsindən əvvəl yaradılıb.
 
MSS – Dövlət Təhlükəsizlik Nazirliyi Çin Xalq Respublikasının təhlükəsizlik agentliyidir. 
 
DGES – Fransa Müdafiə Nazirliyinin rəhbərliyi altında fəaliyyət göstərən kəşfiyyat təşkilatıdır. 
 
“Research and Analysis Wing - RAW" Hindistanın məxfi xidmət qurumudur. RAW 1962-ci il Çin-Hindistan müharibəsindən və 1965-ci il Hindistan-Pakistan müharibəsindən sonra meydana gəlib. 
 
“Canadian Security Intelligence Service – CSIS” Kanada kəşfiyyat təşkilatıdır. CSIS-in vəzifələrinə kəşfiyyat məlumatları toplamaq, gizli əməliyyatlar aparmaq və hökumətə potensial təhdidlər barədə məsləhət vermək daxildir. CSIS ABŞ, İngiltərə, Kanada, Avstraliya və Yeni Zelandiya arasında bir kəşfiyyat ittifaqı olan beş əsas kəşfiyyat xidmətində Kanadanın təmsilçisidir.
 
“Bundesnachrichtendienst - BND (Almaniya) müxtəlif sahələrdə məlumat toplayır və qiymətləndirir. O, 1956-cı ilin aprel ayında general Reynhard Qehlen tərəfindən yaradılıb. 
 
“Australian Secret Intelligence Service – ASIS” (Avstraliya) kəşfiyyat məlumatlarının toplanması, əks-kəşfiyyat fəaliyyəti və xaricdəki digər kəşfiyyat qurumları ilə əməkdaşlıqdan məsuldur. 
 
CIA – “Central Intelligence Agency” (ABŞ) Birləşmiş Ştatların qlobal hökmranlığının arxasında duran əsas amillərdən biridir. Bu agentlik ABŞ-ın supergüc kimi mövqeyini qorumaqda və ölkə daxilində xarici siyasət kəşfiyyatına və təhlilinə vasitəçilik etməkdə mühüm rol oynayır.

---

---