Dörd gün əvvəl Ukraynaya gecə hücumu zamanı hərbçilər işğalçıların atdığı bütün raketləri, o cümlədən “Kalibr”, “Xəncər” (Kinjal) və “İskəndər”ləri (S-400 – İskəndər-M) vurub. Ukrayna Silahlı Qüvvələrinin Hərbi Hava Qüvvələri Komandanlığının nümayəndəsinin sözlərinə görə, altı “Xəncər” vurulub ki, bu, təsirli rəqəmdir.
“Xəncər”lərdən istifadə etməklə belə kütləvi hücum Rusiyanın yenilməz raket gücü nüfuzunu itirməsi ilə bağlıdır.Mayın 4-də Ukraynanın rusların əvvəllər vurulması qeyri-mümkün kimi irəli sürdüyü və “ABŞ-ı diz çökdürəcək” bir “Xəncər” raketini vurması xəbərindən sonra onlar öz reputasiyalarını bərpa etmək qərarına gəldilər. Ruslar hazırlaşdılar, obyektlər seçdilər, bir neçə gün vəziyyəti öyrəndilər, zərbələr endirmək üçün istiqamətlər seçdilər və mayın 16-da kütləvi zərbə endirmək qərarına gəldilər...
İlk növbədə hava hücumundan müdafiə sistemlərimizi məhv etməyə çalışdılar və Kiyevin mərkəzindəki mühüm siyasi obyektlərə zərbələr endirmək niyyətlərini ortaya qoydular.
Bu, Kreml üçün həqiqətən vacibdir, çünki Rusiya öz nüfuzunu və hərbi gücünə hörmətini itirib. Ruslar uzun müddətdir ki, “cizgi filmləri” nümayiş etdirirlər, onların hansı raketləri var, hansı sürətlə “Qərbə doğru uçacaqlar”, “Ştatları üç saniyəyə necə yandıracaqlar” sual altına düşüb. Bu raketləri uzun müddət gizli saxladılar. Onlardan cəmi bir neçə dəfə istifadə etdilər və həqiqətən də o vaxt onları vura bilmədik. Mayın 4-nə kimi onları həm Qərbi, həm də bizi qorxutmaq vasitəsi kimi saxlayırdılar. Amma məlum oldu ki, reklam edilən bu raketlər adi ballistik raketlərdən bir qədər yaxşıdır, vəssalam. Qərbin hava hücumundan müdafiə modelləri sayəsində biz bu raketləri vura bildik. Və bu, Rusiyanın üzünə bir sillə oldu, bütün səylərini boşa çıxardı. “Xəncər”lərin vurulması Rusiyanın hərbi-siyasi dairələrinin gülünc vəziyyətə düşməsidir.
Ona görə də mayın 16-sı gecə Kiyevə birdən çox “Xəncər”lə ciddi zərbələr endirildi. Və biz xoşbəxtlikdən ən son hava hücumundan müdafiə sistemlərinin köməyi ilə bu “imtahandan” keçdik, həm də mükəmməl keçdik.Ancaq gələcəkdə Rusiya daha iyrənc və daha məkrli hücumlar, daha düşünülmüş və daha kütləvi hücumlar təşkil edəcək. Kreml hava hücumundan müdafiə sistemini yarmağa qadir olan raketə malik olduğunu sübut etməlidir. Ona görə də növbəti zərbələri gözləməli və onlara hazırlaşmalıyıq. Bu cür hücumları bir neçə dəfə dəf etsək onda bir az sakitləşə bilərlər. Axı biz onların ultra müasir raketlərinin hamısının saxta reklamın nəticəsi olduğunu sübut edəcəyik.
Və bir şeyi də qeyd etmək vacibdir: Ukrayna şəhərlərində, xüsusən də paytaxtda avtomatik işləyən və məlumatları avtomatik olaraq şəbəkəyə yükləyən böyük şaxələnmiş videokameralar sistemi var. Yəni onların üzərində hava hücumundan müdafiənin işi haqqında məlumat tapmaq olar. Ona görə də dərhal, sözün əsl mənasında bir neçə gün ərzində müvafiq kampaniya aparmağa və bu kameraları söndürməyə dəyər ki, gecələr işləməsin.
Bundan əlavə, hava hücumundan müdafiə qüvvələrimizin fəaliyyətini əks etdirən videoları çəkib yerləşdirən bütün o “bloggerlər” tapılmalı və cəzalandırılmalıdır. Eyni zamanda, hava hücumundan müdafiə raketlərinin buraxılışını lentə alanlardan birinə münasibətdə və onun videosundan yeri asanlıqla müəyyən etmək olarsa, ümumilikdə cinayət işi açılmalıdır. Biz hərbi sirlərimizi yayan bu hərəkətləri dayandırmalıyıq.
Müəllif: İvan Yakubets - Ukrayna Silahlı Qüvvələrinin Hava Hücumundan Müdafiə Qoşunlarının keçmiş komandanı.
Mənbə: UNİAN
Tərcümə AYNA
