Erməni deputatlar Xankəndidə nəyi bayram edəcək?


Erməni deputatlar Xankəndidə nəyi bayram edəcək?



Xankəndidəki separatçı rejimin “parlament sədri” Artur Tovmasyan Ermənistan Milli Assambleyasının bütün fraksiyalarının nümayəndələrini sentyabrın 2-də səfərə dəvət edib.
Cebhe.info xəbər verir ki, o, Milli Assambleyanın saytında dərc olunan mesajında  müxalifət fraksiyalarının sentyabrda parlamentə qayıtmaq və öz işini davam etdirmək qərarını alqışlayıb:
“Regionda uzunmüddətli sülhə gedən yol hamar deyil, amma əminəm ki, Ermənistan və Qarabağ parlamentləri ayrı-ayrılıqda işləyərək, hər gün artan maneələri dəf edə bilməyəcəklər, yalnız birgə hərəkət etməklə nail olacağıq. Uğur”.
 
O qeyd edib ki, müzakirə edilməli olan çoxlu məsələlər var. Artur Tovmasyan Ermənistan parlamentinin bütün fraksiyalarını qondarma DQR-in elan edilməsinin 31-ci ildönümünə həsr olunmuş bayram tədbirlərində iştirak etmək üçün sentyabrın 2-də Xankəndiyə səfərə dəvət edib.
 
Daha əvvəl “Armenia Today” xəbər vermişdi ki, “Ermənistan” müxalifət fraksiyasından olan Milli Məclisin deputatı, “Müqavimət” hərəkatının koordinatoru İşxan Saqatelyan bildirib ki, müxalifətin yanaşmaları dəyişməyib və müxalifət yalnız öz gündəliyi ilə parlamentə qayıdacaq.
Tarix: 24-07-2022, 18:57
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman