Qarabağda gərginlik artır: “Azərbaycanın növbəti addımı...” – Markovdan İDDİA

Qarabağda gərginlik artır: “Azərbaycanın növbəti addımı...”
“Ermənistan getdikcə Rusiyanın düşmənlərinə doğru irəliləyir”.

Siam.az Teleqraf.com-a istinadla xəbər verir ki, bunu rusiyalı politoloq Sergey Markov deyib.

Ekspert Azərbaycan və Ermənistan arasındakı son hərbi toqquşmalara diqqət çəkib: “Qarabağda yeni hərbi toqquşma baş verib, üçü Ermənistandan, ikisi Azərbaycandan olmaqla olmaqla 5 hərbçi həyatını itirib.

Laçın yolunda yerləşən Azərbaycanın ekoloji postu Ermənistana Qarabağa silah ötürməyə imkan vermir. Buna görə də Ermənistan başqa marşrutla silah ötürməyə başlamışdı. 10 noyabr anlaşmasına əsasən, Ermənistanın başqa yollardan istifadə etmək və Qarabağda öz ordusuna sahib olmaq hüququ yoxdur. Ona görə də Azərbaycan Ermənistandan Qarabağa gedən silah dolu maşını saxladı, nəticədə atışma oldu.

Görünən budur ki, Azərbaycan bu yolda tamhüquqlu hərbi-gömrük postunun yaradılmasını tələb edəcək, qüvvələrin və silahların başqa yollarla daşınmasının qarşısını almaq üçün öz qoşunlarını gücləndirəcək”.

Markov Rusiyanın bu prosesdə Azərbaycanı dəstəkləyəcəyini iddia edib:

“Rusiya Azərbaycana dəstək verəcək. Çünki Ermənistan getdikcə Rusiyanın düşmənlərinə doğru irəliləyir. Ermənistan Avropa Birliyinin 100 nəfərlik hərbi-mülki missiyasını, əslində isə NATO desantlarını regiona təzəcə gətirib. Yeganə məqsəd Rusiyanı sıxışdırıb çıxarmaqdır”.
Tarix: 6-03-2023, 13:07
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman