Qarabağdakı Rusiya hərbçilərinin yeni biznesi? – Ermənilər 10 min dollarlıq rüşvətdən danışırlar

Qarabağdakı Rusiya hərbçilərinin yeni biznesi? –
Müvəqqəti olaraq Azərbaycanın Qarabağ iqtisadi rayonunda yerləşdirilən Rusiya hərbçiləri “biznes”lərini genişləndirmək qərarına gəliblər.

Pressklub.az xəbər verir ki, Ermənistanın “Hraparak” nəşrinin məlumatına görə, onlar Qarabağın erməni əhalisindən aldıqları rüşvətin məbləğini artırıblar.

Məsələn, indi Qarabağda yaşayan ermənilərə ərzaq və ya başqa mallar aparan hər bir ağır yük maşınının keçidi üçün təxminən 10 min dollar və ya 4 milyon dram tələb edirlər. Bundan əvvəl “rüsum” 1000 – 2000 dollar olub.

Qeyd olunur ki, son vaxtlar Rusiya hərbçiləri Ermənistan hökuməti ilə humanitar yardımla bağlı razılaşmaya əməl etməyi dayandırıblar. Guya ki, əvvəllər 10 avtomobilin keçidi ilə bağlı razılaşma olub. İndi onlardan 8-i pulsuz keçir, rusiyalı hərbçilər isə “biznes”ləri çərçivəsində 2 yük maşınını özləri üçün saxlayırlar.
Tarix: 1-04-2023, 12:22
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman