"İbuprofen", yoxsa "Paracetamol"? - MÜTLƏQ OXUYUN


"Dərman üzərində ad nə olur-olsun, altda kiçik hərflə nə yazılıb: "İbuprofen", yoxsa "Paracetamol". Əgər "İbuprofen" yazılıbsa, atın və "Paracetamol" yazılanı alın. Evimdə "İbuprofen" tərkibli dərman olmayıb. İndi də yoxdur. Ağrı üçün də istifadə etmirəm. Hərarətə dözdüyümüz kimi, ağrıya da maksimum "Paracetamol" ilə dözürük. Öz uşağıma vermədiyimi başqasının uşağına da tövsiyə etmirəm. Xatırlayırsınızsa, pandemiya zamanı ""İbuprofen" molekulu olan hərarət düşürücü istifadə etməyin" deyilirdi. İndi sizin bilməli olduğunuz nəyə təsir etməsi deyil, sadəcə, zərərli olduğunu bilməkdir. "İbuprofen" molekulu yeni çıxmayıb ki. Əvvəllər də olub. Amma ondan sinir, əzələ ağrıları, oynaq xəstəliklərinin müalicəsində istifadə edilib. Elə indi də. Məsələn, FMF kəskinləşməsi, "Artrit" zamanı təyin edə bilərik. İltihab söndürücü təsiri var. Amma mütləq yeməkdən sonra qəbul edilir ki, mədə-bağırsaqda yara əmələ gəlməsin. Əlbəttə, bir yemək yarana biləcək yaranı önləməz, hər ehtimal deyirik. Bəs necə oldu ki, "İbuprofen" hərarət barəsində "Paracetamol"u ötdü, keçdi və hər uşağın mədəsinə tez-tez girməyə başladı? Siz anaların və sizi tez rahatlatmaq istəyən həkimlərin sayəsində. Şirkətlər gördü ki, hərarəti tez salan güclü dərmana "ehtiyac" var. Bu, xeyli pul deməkdir. Ehtiyac isə həqiqi deyildi. Anaların həyəcanından yaranmışdı".
 
Pravda.az-ın xəbərinə görə, bunu həkim Aytən İsmayılzadə bildirib.
 
"Hərarətdən heç nə olmur, "İbuprofen"dən isə nələrsə olur. Bu "nələrsə" sizin həyəcandan daha vacibdir, əziz analar! Uşağınızı hərarətdən deyil, dərmanların zərərindən qoruyun. Həkiminiz təyin etsə belə, "Paracetamol" tərkibi ilə əvəz edin" - A.İsmayılzadə qeyd edib.
Tarix: 22-05-2022, 17:53
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman