Əgər imsakda bunları yeyirsinizsə, dərhal dayandırın

Ramazan ayında istehlak edilən qidalara diqqət etmək lazımdır. Qida qəbulu gün ərzində baş vermədiyi üçün imsak vaxtı yediyimiz qidaların müəyyən tarazlıqda olması lazımdır.
Bəzi qidaların qəbulu toxluq hissinin azalmasına səbəb olur və gün ərzində adi haldan daha çox aclıq hissi keçirməyə səbəb olur. Mütəxəssislərin Ramazan ayında istehlak etməyi tövsiyə etmədiyi qidaları təqdim edirik:
Mürəbbə: Səhər yeməyində olduğu kimi imsakda da çoxlu mürəbbə yeyilir. Bunu yeyən zaman qan şəkəri qısa müddətdən sonra yenidən azalmağa başlayır. Qan şəkəri səviyyəsindəki bu balanssızlıq aclıq hissinin geri qayıtmasına səbəb olur.
Meyvə şirələri: Şirələr təzə sıxılmış olsa belə, tərkibində çox miqdarda şəkər olan qidalardır. Bu, qanda şəkər balansının pozulmasına, yəni təbii aclıq hissinə səbəb olur.
Qızartma: kartof qızartması və qızardılmış tərəvəzlər çox yağlı qidalardır. İmsakda yağlı qidaların qəbulu gün ərzində həddindən artıq susuzluğa səbəb olur.
Ramazan pidəsi: Pidə karbohidratla zəngin qidalar arasındadır. Ramazan pidəsini sahurda yemək həm kökəlməyə səbəb olacaq, həm də gün ərzində aclıq hissi yaradacaq.
Pendir: İmsakda istehlak edilən duzlu pendirin istifadəsi bədəndəki maye balansının dəyişməsinə səbəb olur və maye itkisini artırır.
İşlənmiş qidalar: kolbasa kimi işlənmiş qidalar yüksək yağ tərkibinə malikdir. Eyni zamanda, mütəxəssislər işlənmiş qidaların sağlam olmayan qidalar olduğu üçün istehlak edilməməsinin lazım olduğunu iddia edirlər./Publika.az