"İcra başçısının təyinatı doğulduğu və ya yaxın ərazi olmalıdır" - TƏKLİF

"İcra başçısının təyinatı doğulduğu və ya yaxın ərazi olmalıdır"
Təhsilli, ali savadlı hər insan istənilən bölgədə işləyə bilərmi? Əgər elədirsə, niyə bəzi icra hakimləri vəzifələrini düzgün şəkildə icra edə bilmirlər? İnsanların böyüdüyü mühit, rəqəmsal hesablamaları iş həyatında böyük rol oynaya bilərmi?
“Ambisiya hər bir insanda var. Ambisiyasız insan məqsədsiz bir insandır. Sadəcə olaraq ambisiyaların cilovlanması söhbəti var. Yəni onu idarə etmə bacarığı var. Mən Bakıda doğulmuşam 1978-ci ildə Azərbaycanlı ailəsində. Amma mənim əslim köküm Şəmkir rayonundandır. Məsələn, mənim kimi insana birdən desələr ki, “Lənkəran-Astara..., cənub bölgəsində işlə”. Mən orada işləyə bilmərəm. Bunun sadə izahatını verim. Mən oranın insanlarının mentalitetinə bələd deyiləm. Ora qonaq kimi getmişəm, gəlmişəm. Hər bir bölgənin öz enerjisi, öz mentaliteti, öz adət-ənənəsi var. Ona görə vəzifələrə təyin olunan insanlarda buna fikir vermək lazımdır.

Məsələn, əslən Qubalı olan bir insanın gedib Füzulidə icra hakimi işləməyi düzgün olmaz. Bu şəxs, Şimal bölgəsinin adamıdır. Oradakı insanların öz adət-ənənələri, öz düşüncə tərzləri var. Seçilən şəxs, o bölgəyə uyğun bir adam olmalıdır. Ən azından o bölgənin adamı olmalıdır”.

DİA.AZ bildirir ki, bu barədə Bizimyol.info xəbər portalına Qafqazın yeganə numeroloqu Xəyal Məmmədov danışıb.

Numeroloq bildirib ki, insanın enerjisi tək onun rəqəmləri ilə qurulmur. Rəqəmlər, insanın doğum tarixi, adı bu hesablama üçün bazadır. Ancaq insanın doğulduğu mühit, yaşam tərzi, aldığı təlim-tərbiyə də böyük rol oynayır. Bunları nəzərə almaq lazımdır.


Tarix: 26-08-2023, 10:09
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman