Bakıya qarşı yeni tamaşa: “Yaxşı polis – pis polis” rolunda iki ölkə var



Sentyabrın 1-də keçiriləcək növbədənkənar parlament seçkilərinə hazırlıq davam edir. Azərbaycan seçkilərin beynəlxalq standartlara uyğun təşkil edilməsinə və demokratik prinsiplərin tətbiqinə xüsusi həssaslıq göstərir. Namizədlərin seçkiqabağı təşviqat kampaniyasına qanunvericiliyə uyğun olaraq bərabər şərait yaradılıb:
Birincisi, bütün seçki məntəqələrinə təşviqat lövhələri qoyulub;
İkincisi, seçicilərin namizədlərlə görüşməsi üçün qapalı və açıq yerlər ayrılıb;
Üçüncüsü, namizədlərin ödənişsiz və ödənişli təşviqatının aparılması üçün bütün lazımi tədbirlər görülüb;
Dördüncüsü, Mərkəzi Seçki Komissiyası seçicilərin maarifləndirilməsi istiqamətində ciddi işlər görür;
Beşincisi, səsvermə gününə hazırlıqla bağlı işlər qanunvericiliyin tələblərinə və beynəlxalq standartlara uyğun həyata keçirilir.
Bütün bunları onlarla namizədin sosial şəbəkə üzərindən paylaşdığı status, video, fotolarda da görmək olur.
Seçkilərlə bağlı əsas müzakirə mövzularından biri isə AŞPA-nın müşahidəçi kimi iştirak etməməsidir. Əvvəlcə deyim ki, indiyə qədər 43 ölkə və 24 qurumdan ümumilikdə 228 beynəlxalq müşahidəçi Mərkəzi Seçki Komissiyası tərəfindən qeydiyyata alınıb. Yəni rəsmi Bakının seçkilərdə beynəlxalq müşahidəçilərin iştirak etməsi ilə bağlı heç bir problemi yoxdur. Amma AŞPA ilə bağlı vəziyyət fərqlidir.
Məsələ ondadır ki, bu qurum Azərbaycana qarşı riyakar və qərəzli mövqeyi ilə seçilir. Azərbaycan nümayəndə heyətinin mandatının qəbul edilməməsi isə bu riyakarlığın pik həddidir. Belə bir təşkilatın seçkidə necə müşahidə aparacağını öncədən təxmin etmək mümkündür. Yəni AŞPA-nın müşahidəçi kimi iştirak etməməsi daha məqbuldur.
Ümumiyyətlə, AŞPA-nın timsalında Qərbin, Brüsselin Bakıya qarşı ikili oyunu aydın şəkildə görünür. Daha dəqiq desək, Fransa “pis polis” kimi Azərbaycanla təhdid ritorikasında danışır, Almaniya isə “yaxşı polis” rolunda guya münasibətlərə önəm verir. Bu oyunu “ifşa edən” şəxs isə son zamanlar adını tez-tez eşitdiyimiz, Almaniyanın AŞPA-dakı nümayəndə heyətinin sədri Frank Şvabedir. Belə ki, o, Azərbaycana qarşı açıq hücumu ilə seçilir. Yəni rəsmi Berlin “yaxşı polis” rolunu oynasa da, Şvabe kimi təlxək və anarxisti rəsmi Bakının üzərinə göndərir.
Təbii ki, seçki ilə yanaşı, regionda gedən proseslərdə də Qərbin məkrli rolu hiss edilir. Ermənistanın silahlandırılması, iqtisadi dəstəyin artırılması, hətta bu ölkənin Qərbin Rusiyaya qarşı sanksiyaları pozmasına göz yumması qərəzi sübut edir.
Müəllif: Politoloq Turan Rzayev,
Siam-az.com
Tarix: 28-08-2024, 18:13
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman