Tədbirdə çıxış edən rəssam-modelyer, əməkdar incəsənət xadimi Fəxriyyə Xələfova, şair-aktyor Rəşad Kəsəmənli, həkim-psixiatr Həlimə Qəmərlinskaya çıxış edərək jurnal haqqında müsbət fikirlərini bildiriblər. Tədbir iştirakçılarından xalq artisti Rafiq Əzimov, kinorejissor, əməkdar incəsənət xadimi Ənvər Əbluc, tanınmış aparıcı Hacı Nuran Hüseynov jurnalın fəaliyyətini yüksək qiymətləndirərək cəmiyyətimiz üçün əhəmiyyətini qeyd ediblər. Tədbirdə eyni zamanda Azərbaycan Dövlət Mədəniyyət və İncəsənət Universitetinin rejissor və aktyor sənəti kafedrasının professoru, Azərbaycanın tanınmış aktrisası Gülşad Baxşıyeva, Əməkdar artist Nərgiz Əliyeva, gənc ixtiraçı Reyhan Camalova, aktrisa, aparıcı Sevinc Şirinova, ADMİU, ADU, BDU olmaqla universitetlərdən bir çox dosent, doktor, müəllimlər və jurnalın dəyərli oxucularının da bir qismi iştirak edirdi.

Tədbir iftar süfrəsi və əməkdar artist Şölə Səfərəliyevanın konsert proqramı ilə yekunlaşıb.