Vətən müharibəsinin qəhrəman şəhidlərindən biri olan Əhmədli Qardaşxan Elxan oğlunun adına tikilən bulaq susuz qalıb.
Reportyor.info-ya verilən məlumata görə, Bakının Xəzər rayonunda yerləşən şəhid bulağının susuz qalması ilə bağlı yerli icra hakimiyyətinə, “Azərsu” ASC-yə və Prezident Administrasiyasına müraciətlər ünvanlanıb.
Lakin heç bir nəticəsi olmayıb. Bu günə kimi şəhid bulağı quruyub və su verilmir. Xəzər rayon icra başçısı Elşən Salahovun edilən müraciətlərə laqeydliyi heç cür anlaşılan deyil.
İH istəsə tezliklə problemi həll edə, şəhidin ailəsini sevindirə bilər. Eyni zamanda, bulağın yerləşdiyi küçənin işıqlandırılması problemi var.
Bu məsələyə də biganə münasibət davam edir. Şəhidlərə və onların ailələrinə diqqət, onların adları ilə bağlı mənəvi dəyərlərə hörmət hər kəsin borcudur.
Xəzər rayon icra başçısı E.Salahov hər gün kondisionerli kabinetində vaxt keçirməkdənsə, əraziyə çıxsın, vətəndaşlarla söhbətləşsin, kimin hans problemi olduğunu öyrənsin, şəhid və qazi ailələrinə baş çəksin, eləcə də Q.Əhmədlinin susuz qalan bulağı ilə əlaqədar ona edilmiş müraciəti yerində araşdırsın, əraziyə getsin – budur İH rəhbərlərinin missiyası…

---

---