NATO Rusiyanın “qulağının dibində” təlimlərə başlayır –İki mindən çox hərbçi qatılacaq

NATO Rusiyanın “qulağının dibində” təlimlərə başlayır –İki mindən çox hərbçi qatılacaq Bu gün Latviyada NATO-nun “Saber Strike” beynəlxalq hərbi təlimləri başlayır.

APA-nın xəbərinə görə, bu barədə Latviya Müdafiə Nazirliyinin məlumatında bildirilir.

Təlimlərə Latviya, Litva, ABŞ, Böyük Britaniya, Slovakiya, Polşa, İtaliya və İsveçin hərbçiləri qatılacaq. İki mindən çox hərbçinin iştirak etdiyi təlimlər iyunun 15-dək davam edəcək.

“Təlimin əsas məqsədi regional sabitlik və təhlükəsizliyin təkmilləşdirilməsi, silahlı qüvvələr arasında qarşılıqlı əlaqələrin möhkəmləndirilməsidir”, – məlumatda deyilir.

Qeyd edək ki, aprelin 17-30-da Latviyada NATO-nun “Summer Shield” beynəlxalq hərbi təlimləri keçirilib. Təlimlərdə Latviya, Litva, Estoniya, ABŞ, Kanada, Böyük Britaniya, Lüksemburq, Bolqarıstan, Rumıniya, Slovakiya, Almaniya və İsveçin hərbçiləri iştirak edib.
Tarix: 3-06-2017, 14:09
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman