Video yazısının bir məqamında polislərdən birinin sözü gedən adamın üstündən motosiklet sürdüyü görünürSosial mediada yayılmış videoda İranda polis zabitlərinin bir nəfəri döydüyü, onun üstündən motosikletlə keçdiyi və sonra ona atəş açdığı görünür.
Polis bildirib ki, sosial mediada noyabrın 1-də yayılmış bu video ilə bağlı təhqiqata başlayıb.
Bəzi xəbərlərdə bildirilir ki, video Tehranın cənubundakı Naziabad qəsəbəsində çəkilib.
Bu qəsəbədə anti-hökumət aksiyasının keçirildiyi məlumdur.
AzadlıqRadiosu bu xəbəri müstəqil şəkildə təsdiq edə bilmir.
Polisin verdiyi bəyanatda deyilir ki, bu hadisə ilə bağlı dərhal araşdırmaya başlanıb:
“Polis zorakı və ya qanuna zidd davranışı qəbul etmir və qanunu pozanlara qarşı tədbirlər görüləcək”.“O ölüb, o ölüb…”Sözü gedən videoda gecə vaxtı bir küçədə onlarca polisin yerə uzanmış bir nəfəri döydüyü əks olunub.
Video yazısının bir məqamında polislərdən birinin sözü gedən adamın üstündən motosiklet sürdüyü görünür.
Bunun ardınca əynində polis forması olan bir nəfər həmin şəxsi dəyənəklə döyür, digər polis isə ona atəş açır.
Hücuma məruz qalan şəxs əvvəlcə əlləri ilə müdafiə olunmağa çalışsa da, videoda onun süst düşdüyü görünür.
Arxa planda kimsə “o ölüb, o ölüb” deyir.
“Saxta polislər” iddiasıBu hadisə gənc qadın
Məhsa Əmininin hicab qaydasını pozduğuna görə polisə aparılmasından və orda vəfat etməsindən sonra başlanan etiraz aksiyalarının yeddinci həftəsində baş verib.
Bu etirazların gedişində qadınlar hicablarını açır, yandırır və etiraz olaraq saçlarını kəsirdilər.
Aksiyalarda “diktatora ölüm” və “qadın, həyat və azadlıq” şüarları səsləndirilirdi.
İran hakimiyyəti Qərbi bu etirazları qızışdırmaqda ittiham edir.
Etirazlarda 250 nəfərin öldüyü və bir neçə min insanın polis tərəfindən saxlandığı xəbər verilir.
Ötən ay İran polisinin rəisi general
Hüseyn Əştari heç bir dəlil-sübut təqdim etmədən bildirmişdi ki, “polis forması geyinmiş xarici əks-inqilabi qüvvələr” izdihama atəş açıb.
O bunu da iddia etmişdi ki, “saxta polislərdən” bəziləri həbs olunub.
Azadlıq radiosu
Tarix: 3-11-2022, 09:42