İcra başçısı tərəfindən növbəti dəfə vətəndaşların müraciətləri dinlənilib


Tərtər Rayon İcra Hakimiyyətinin başçısı Müstəqim Məmmədov növbəti dəfə
vətəndaşları qəbul edib. Şəhid ailələri və qazilər növbədənkənar qəbul edilib,
onların problemlərinə həssaslıqla yanaşılıb.
Qəbula gələn vətəndaşlar əsasən işlə təmin olunma, maddi köməklik, ev
təmirinə köməklik olunması, həyətyanı torpaq sahəsinin ayrılması, subartezian
quyusunun nasosunun dəyişdirilməsi, ünvanlı sosial yardım almasına
köməklik, pay torpaq sahəsinin suvarılması, sahibkarlıq üçün torpaq sahəsinin
ayrılması, əkin üçün bələdiyyədən icarəsinə torpaq sahəsinin ayrılması,
işğaldan azad edilmiş ərazilərdə evlə təmin olunma və digər məsələlərlə bağlı
müraciət ediblər. Onların müraciətləri rayon rəhbəri tərəfindən diqqətlə
dinlənilib, icra hakimiyyətinin səlahiyyətlərinə aid müraciətlər qanun
çərçivəsində həll olunub, digər müraciətlərlə bağlı isə vətəndaşlara müvafiq
izahatlar verilib, vətəndaş məmnunluğu təmin olunub.
Rayon sakinləri ölkəmizdə həyata keçirilən islahatlara, əhalinin sosial rifah
halının yüksəldilməsinə göstərilən diqqət və qayğıya görə möhtərəm Prezident
cənab İlham Əliyevə və Birinci vitse-prezident Mehriban xanım Əliyevaya öz
minnətdarlıqlarını bildiriblər.
 
Tarix: 25-06-2024, 22:43
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman