Gürcü politoloq: "Azərbaycanlıların qatilinin heykəli söküləcək"

 Bu barədə Gürcüstanın Yaxın Şərq və Qafqaz Tədqiqatları İnstitutunun rəhbəri, politoloq Vasili Papava bəyanat verib.
Xatırladaq ki, yanvarın 20-də Buqaşen qəsəbəsində birbaşa olaraq Dağlıq Qarabağ və ətraf rayonların işğalında və azərbaycanlıların qətlində iştirak etmiş M.Avaqyanın büstü qoyulub.
Gürcüstanda separatçılarla çiyin-çiyinə döyüşmüş insana büst qoyulacağını eşidəndə, buna inana bilmədim. Təəssüflər olsun ki, məlumat təsdiqini tapdı. Gürcüstanın ekspert ictimaiyyəti Gürcüstanda baş verən bu hadisədən hiddətlənib”, - deyə V.Papava bildirib.

M.Avaqyana büstün qoyulması haqqında qərar yerli səviyyədə qəbul olunsa da, mərkəzi hakimiyyətin bundan xəbəri olmaya bilməzdi. Bürokratik aparat elə bunun üçün mövcuddur. Yox, əgər abidənin qurulması hakimiyyətlə razılaşdırılmayıbsa, deməli, Tbilisi artıq Axalkalaki bölgəsində vəziyyətə nəzarət etmir”, - deyə V.Papava bildirib.
Bəs Azərbaycanda Gürcüstanın ərazi bütövlüyünə qarşı savaşmış separatçıya abidənin ucaldılması Gürcüstanda necə qarşılanardı? Qəzəb partlayışı baş verərdi. Onda soruşan lazımdır ki, M.Avaqyanın abidəsinin qurulmasına niyə icazə veriblər. Bu məsələ bizdə müzakirəyə çıxarılsaydı, sizi əmin edirəm ki, Gürcüstan ictimaiyyəti qəti şəkildə bunun əleyhinə olardı”, - deyə politoloq bildirib.
Ekspert qeyd edir ki, heç bir sağlam düşüncəli gürcü Qarabağ müharibəsində erməni separatçılarla çiyin-çiyinə savaşmış qəhrəmana” abidənin ucaldılmasını dəstəkləməz.
Bu, hansısa şair və ya yazıçıya qoyulan abidə deyil. Əminəm ki, gürcü tərəfi bütün lazımi addımları atacaq və büst ən yaxın zamanda söküləcək. Bu məsələni Gürcüstan-Azərbaycan gündəmindən çıxarmaq lazımdır. Habelə qərarın kim tərəfindən və hansı səviyyədə qəbul olunduğunu müəyyənləşdirmək zəruridir”,- deyə Papava bildirib. \\24News.ge

---

---