Fəzail Ağamalının oğlundan qardaşının maşınla adam vurması xəbərinə sərt REAKSİYA - "Bu cür informasiyanı yayanların kimliyini araşdıracağıq"

Fəzail Ağamalının oğlundan qardaşının maşınla adam vurması xəbərinə sərt REAKSİYA - "Bu cür informasiyanı yayanların kimliyini araşdıracağıq" “Qardaşımın yolu keçən piyadanı vurması barədə yayılan xəbərlər kökündən yanlışdır. Qardaşım 15 gündən çoxdur ki, ölkədə yoxdur. Ölkədə olmayan biri necə adam vura bilər ki!”.

Bunu Modern.az-a açıqlamasında deputat Fəzail Ağamalının oğlu Elçin Ağamalıyev qardaşı Yalçın Ağamalıyevin piyadanı vurması xəbərinə münasibət bildirərkən deyib.
Onun sözlərinə görə, yalan xəbər yayanlar barədə ölçü götürüləcək.

“Bu cür informasiyanı yayanların kimliyini araşdıracağıq. Nəsimi Rayon Polis bölməsi ilə də əlaqə saxlayacağıq. Yuxarı dairələrə də yalan xəbər yayılması barədə açıqlama istəyəcəyik”.

Qeyd edək ki, Bakının Nəsimi rayonu ərazisində piyadanın vurulması ilə nəticələnən yol-nəqliyyat hadisəsi baş verib. Xəbərə görə, 36 yaşlı Ağamalı Yalçın Fəzail oğlu Tibb Universitetinin qabağında idarə etdiyi "Jeep" markalı avtomobil ilə yolu keçmək istəyən 1999-cu il təvəllüdlü Nurullayev Qərib Şakir oğlunu vurması barədə xəbər yayılıb.

Bildirilib ki, nəticədə piyada ağır xəsarət alıb. O, sürücünün köməkliyi ilə xəstəxanaya çatdırılıb.

Faktla bağlı Nəsimi Rayon Polis İdarəsinin əməkdaşları hadisəni törədən sürücünün izahatını alıb.
Tarix: 3-10-2017, 10:00
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman