İlqar Altay: “Vətən ordusunu təcavüzkar adlandırmaq nə deməkdir?”


“Tarixçi alim və ictimai fəal Altay Göyüşov 12-13 sentyabrda Ermənistan tərəfdən Azərbaycanla sərhəddəki bizim ərazimizə təxribat həmləsi və Azərbaycan ordusunun bu təxribata qarşı haqlı sərt cavabına çox qəribə, antivətən mövqeli bir münasibət bildirib: “Şəxsən mənə İrəvan, Zəngəzur filan lazım deyil və Ermənistana qarşı gecəki təcavüzü birmənalı olaraq pisləyirəm”. Öz ölkənin işğalçı erməni düşmənin həmləsinə qarşı çarpışdığı çətin, 50 şəhid verdiyi ağır anı, onu müdafiə edən vətən ordusunu təcavüzkar kimi adlandırmaq, bəyan etmək nə deməkdir? Harda görünüb, öz vətəninə qarşı bu cür xəstə təfəkkür?”.
 
Pravda.az-ın xəbərinə görə, “İctimai Tədqiqatlar Mərkəzi” İctimai Birliyinin sədri İlqar Altay bildirib.
 
“Heç erməni alimi öz ölkəsi, ordusuna qarşı bunu edərmi? Lap, tutaq ki, ölkəndə səni hansısa məmurlar incidib, haqsızlıqlar edilib və ölkədən çıxıb xaricə getmisən sərbəst söz, fikir demək, ya cürbəcür etiraz bildirmək məkanına. Konkret sərt cavabını konkret tərəfə yönəlt də. Bunun vətənə, orduya nə aidiyyəti? Hikkə-hirs və acığını öz vətəninə, xalqına, dövlətinə qarşı yönəltmək, nə dərəcədə normal insani hissdir? Qətiyyətlə qınayıram belə rəzil mövqeni və hər bir halda, ümummilli mənafeni bütün şəxsi, ya korporativ maraqlardan öndə tutmağı sanıram” – İ.Altay vurğulayıb.
Tarix: 14-09-2022, 15:11
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman