Assanj azadlığa buraxılıb

ABŞ-nin Saypan adasındakı (Şimali Mariana Adaları Birliyi) Federal Dairə Məhkəməsinin hakimi Ramona Menqlona “WikiLeaks”in qurucusu Culian Assanjın Britaniya həbsxanasında yatdığı müddətə hökm çıxarıb.
“Report” xəbər verir ki, bu barədə “Reuters” məlumat yayıb.
Agentlik əlavə edib ki, Assanj məhkəmə zalını sərbəst tərk edə bilər, 14 illik hüquqi mübarizə başa çatıb.
Xatırladaq ki, o, 2019-cu ildən bəri Böyük Britaniyadakı ciddi rejimli Belmarş həbsxanasında saxlanılıb və Ekvadorun Londondakı səfirliyindən qovulduqdan sonra orada yerləşdirilib. Vaşinqton beş ildən çoxdur ki, onun Londondan ABŞ-yə ekstradisiyasını istəyir, lakin Assanjın müdafiəsi bunun qarşısını almaq üçün yeni cəhdlər edib. ABŞ-də Assanj Amerika tarixinin ən böyük məxfi məlumatların açıqlanması hadisəsi ilə bağlı cinayətlərdə ittiham olunur.
05:53ABŞ-nin Saypan (Şimali Mariana Adaları Birliyi) adasındakı Federal Dairə Məhkəməsinin hakimi “WikiLeaks”in qurucusu Culian Assanjın azadlığa buraxılması ilə bağlı razılaşmanın bir hissəsi kimi onun günahını qismən etirafını qəbul edib.
“Report” xəbər verir ki, bu barədə “The Washington Post” məlumat yayıb.
Nəşr qeyd edib ki, baş hakim Ramona Menqlona təqsirkarlıq iddiasını qəbul edib. Assanj əvvəllər Amerikanın hərbi sirlərinin dərci ilə bağlı təqsirini etiraf edib. ABŞ Ədliyyə Nazirliyi ilə razılaşmanın şərtlərinə görə, bu, onun azadlığa buraxılmasını təmin etməlidir.
Nəşrin məlumatına görə, daha sonra hakim iclasda 20 dəqiqəlik fasilə elan edib. Qəzet yazır ki, Assanjın vəkilləri onu “təbrik etmək üçün görünürdülər”.
03:55ABŞ-nin Saypan adasındakı Federal Dairə Məhkəməsində (Şimali Marian Adaları Birliyi) "WikiLeaks"in qurucusu Culian Assanj ilə bağlı məhkəmə iclası başlayıb.
“Report”un məlumatına görə, bu barədə “Reuters” agentliyi şahidlərə istinadən xəbər verir.
“Associated Press” agentliyi bildirib ki, dünyanın hər yerindən onlarla media nümayəndəsi iclasın gedişini işıqlandırmaq üçün məhkəmə binasının qarşısına toplaşıb, lakin onlar prosesə buraxılmır.
Bundan əvvəl Avstraliyanın “9News” telekanalı Assanjı Avstraliyanın ABŞ-dəki səfiri Kevin Ruddun müşayiət etdiyini bildirmişdi.
Xatırladaq ki, o, 2019-cu ildən bəri Böyük Britaniyadakı ciddi rejimli Belmarş həbsxanasında saxlanılıb və Ekvadorun Londondakı səfirliyindən qovulduqdan sonra orada yerləşdirilib. Vaşinqton beş ildən çoxdur ki, onun Londondan ABŞ-yə ekstradisiyasını istəyir, lakin Assanjın müdafiəsi bunun qarşısını almaq üçün yeni cəhdlər edib. ABŞ-də Assanj Amerika tarixinin ən böyük məxfi məlumatların açıqlanması hadisəsi ilə bağlı cinayətlərdə ittiham olunur.