Tərtərdə dövlət qulluqçuları peşə bayramlarını qeyd ediblər - FOTO

Tərtərdə dövlət qulluqçuları peşə bayramlarını qeyd ediblər
Tədbirdə Tərtər Rayon İcra Hakimiyyətinin başçısı Müstəqim Məmmədov, rayon icra
hakimiyyəti başçısı aparatının, İƏD üzrə nümayəndəliklərin əməkdaşları, idarə,
müəssisə və təşkilatlarda fəaliyyət göstərən dövlət qulluqçuları iştirak ediblər.
Əvvəlcə tədbir iştirakçıları Ümummilli Liderin xatirəsinə hörmət əlaməti olaraq mərkəzi
meydanda abidəsini ziyarət edib, önünə gül dəstələri düzüblər. Sonra tədbir rayon icra
hakimiyyətinin akt zalında davam etdirilib.
Dövlət himni səsləndirilib. Sonra Ulu Öndərin və torpaqlarımızın suverenliyi uğrunda
canlarını fəda etmiş şəhidlərin xatirəsi bir dəqiqəlik sükutla yad edilib.
Rayon icra hakimiyyətinin başçısı Müstəqim Məmmədov dövlət qulluqçularını təbrlk
edərək, onlara öz işlərində uğurlar, həmişə dövlətə və dövlətçiliyə sadiq olmağı
arzulayıb. Rayon rəhbəri bildirib ki, 23 iyun Azərbaycanda Dövlət Qulluqçularının Peşə
Bayramı Azərbaycan Respublikasının Prezidenti cənab İlham Əliyevin 2006-cı il 25
may tarixli Sərəncamı ilə təsis edilib.
Bu gün Azərbaycanın sürətlə inkişaf edərək beynəlxalq aləmdə nüfuzunu
möhkəmləndirməsinin, mühüm regional faktora çevrilməsinin təməlində Ulu Öndər
Heydər Əliyevin dövlət idarəetmə sistemində reallaşdırdığı islahatlar dayanır. Prezident
İlham Əliyevin bu islahatları daha da genişləndirərək davam etdirməsi sayəsində
ölkəmizin qüdrəti gündən-günə artmaqdadır.
Azərbaycanda dövlət qulluğu sahəsində reallaşdırılan islahatların ən mühüm
nəticələrindən biri 2000-ci il iyulun 21-də “Dövlət qulluğu haqqında” Qanunun qəbul
edilməsidir. Həmin Qanunla Azərbaycanda dövlət qulluğu sahəsində vahid dövlət
siyasətinin formalaşdırılmasının əsası qoyulub, bu sahədə kadr siyasətinin əsas
prinsipləri, dövlət qulluqçularının cəmiyyətdəki yeri, onların hüquq və vəzifələri
müəyyənləşdirilib. “Dövlət qulluğu haqqında” Qanun qəbul edildikdən sonra mütəmadi
olaraq təkmilləşdirilib, 180-dən artıq dəyişikliklə çox mükəmməl bir hüquqi akt yaradılıb.
Bu baxımdan Prezident İlham Əliyevin 2018-ci il 23 noyabr tarixli Sərəncamı ilə təsdiq
edilmiş “Azərbaycan Respublikasında dövlət qulluğunun inkişafına dair 2019-2025-ci
illər üçün Strategiya”ya uyğun olaraq 2019-cu ildə müəyyən edilmiş bir sıra tədbirləri, o
cümlədən bu Strategiyanın icrası üzrə Fəaliyyət Planını qeyd etmək lazımdır.
Prezident, Ali baş Komandan İlham Əliyevin rəhbərliyi ilə yenilməz ordumuz
Ermənistanın 30 illik işğalına son qoyduqdan sonra Cənubi Qafqazda yeni reallıqlar
yarandı. Həmin reallıqlardan biri də işğaldan azad edilmiş ərazilərdə yeni idarəetmə
formasının tətbiqidir. Belə ki, həmin ərazilərdə dövlət başçımızın 2021-ci il 19 yanvar
tarixli Fərmanı ilə Azərbaycan Respublikası Prezidentinin xüsusi nümayəndəlikləri təsis
edildi. Bununla Azərbaycanda dövlət idarəçiliyi sahəsində yeni bir idarəetmə formasının
tətbiqini nəzərdə tutan mərhələnin əsası qoyuldu. Bu idarəetmə formasının da əsasını
dövlət qulluğu təşkil edir.
Azərbaycanda dövlət qulluqçularının daha səmərəli fəaliyyət göstərməsini və onlara
tapşırılan mürəkkəb vəzifələrin daha yaxşı yerinə yetirilməsini təmin etmək üçün bu
kateqoriyadan olan insanlar mütəmadi şəkildə dövlət mükafatları ilə təltif olunur.
Tərtər rayonunda 198 nəfər dövlət qulluqçusu vəzifəsi var. Onun 183-ü inzbati, 15-i
yardımçıdır. Dövlət qulluğunda çalışanların 41 nəfəri qadın, 42 nəfəri isə gənclərdir. 198
nəfər dövlət qulluqçusunun 197 nəfərinin ixtisas dərəcəsi var.
Əmək stajı 1 ilədək olan dövlət qulluqçusu 5, 1 ildən 5 ilədək 54, 5 ildən 10 ilədək 37, 10
ildən 15 ilədək 32, 15 ildən yuxarı olanlar isə 70 nəfərdir.
Tədbirdə rayon Statistika idarəsinin rəisi Ədalət Məmmədov, İrəvanlı kənd İƏD üzrə
nümayəndə Bəxtiyar Cəfərov, Hüsənli kənd İƏD üzrə nümayəndə Gülüstan Əhmədova
çıxış ediblər. Onlar dövlət qulluqçularını peşə bayramları münasibəti ilə təbrik edib, hər
birinə cansağlığı, uzun ömür, ailə səadəti arzulayıb, göstərilən diqqət və qayğıya görə
Azərbaycan Respublikası Prezidenti cənab İlham Əliyevə və Birinci vitse-prezident
Mehriban xanım Əliyevaya minnətdarlıqlarını bildiriblər.
Tədbirin sonunda Tərtər Rayon İcra Hakimiyyətinin başçısı Müstəqim Məmmədov
tərəfindən dövlət qulluğunda səmərəli fəaliyyətinə, rayonun ictimai-siyasi həyatında fəal
mövqeyinə görə bir qrup dövlət qulluqçusuna, İƏD üzrə nümayəndəliyin kollektivinə
fəxri fərman və təşəkkürnamə təqdim edilib.

Siam-az.com

Tərtərdə dövlət qulluqçuları peşə bayramlarını qeyd ediblər
Tərtərdə dövlət qulluqçuları peşə bayramlarını qeyd ediblər
Tərtərdə dövlət qulluqçuları peşə bayramlarını qeyd ediblər
Tərtərdə dövlət qulluqçuları peşə bayramlarını qeyd ediblər
Tarix: 22-06-2024, 14:05
Xəbəri paylaş



Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

{sape_links}{sape_article}