Viktor Yaqun: “Düşmən öz əsgərlərinə heyfislənmir və onları sadəcə olaraq, odlu “ətçəkən maşın”a atır””
Rusiyanın Ukraynaya qarşı işğalçı müharibəsi davam edir. Hazırda bütün təmas xətti boyunca şiddətli döyüşlərin getdiyi bildirilir. Müharibənin gedişi ilə bağlı ukraynalı hərbi ekspert Viktor Yaqun UNİAN-a müsahibə verib. AYNA sözügedən müsahibəni istinad və ixtisarla təqdim edir:
- Baxmut istiqamətində son günlər şiddətli döyüşlər gedir. Düşmən itki verir, lakin hücuma davam edir. Baxmut yaxınlığında Rusiyanın irəliləməsi təhlükəsi varmı?

- Hər zaman irəliləmə təhlükəsi var, lakin vəziyyət Baxmut istiqamətində indi sabitləşib. Biz bunu orada olan insanların məlumatlarından bilirik. Onlar təcavüzkarın bir neçə kilometr geri çəkildiyini təsdiqləyirlər. Rusiya qoşunları “baş-başa” hücumun nəticəsiz olduğunu başa düşərək, dolama manevrlərə başladılar. Bu, daha mürəkkəbdir. Ola bilsin, problemlər yaransın, çünki bizimkilər də döyüşçüləri bir istiqamətdən digərinə keçirməyə çalışırlar.
- Rusiyanın yeni manevrlərinə nə dərəcədə hazırıq?
- Düşünürəm ki, biz hazırıq. Bəzi sahələrdə təhlükəni anlayırıq. Amma şəxsi heyətin kəmiyyətcə artması səbəbindən düşmən “top yemi” taktikasından istifadə edərək, əsgərləri müəyyən istiqamətlərə atmağa çalışır. Bu, onu deməyə əsas verir ki, düşmən öz əsgərlərinə heyfislənmir və onları sadəcə olaraq, odlu “ətçəkən maşın”a atır.
- Deyə bilərikmi ki, Rusiyanın səfərbərliyi Ukrayna silahlı qüvvələrinin əks-hücum sürətini aşağı salır?
- Təbii ki, bizimkilər yavaşlayır. Amma bu, bizim üçün yox, düşmən üçün daha pisdir, çünki məhv edilən düşmənin sayı dəfələrlə artır. Bizimkilər ya hərəkətsiz dayanırlar, ya da irəli keçirlər. İstədiyimiz qədər hücumumuz sürətli olmasa da, irəliləyiş hələ də davam edir.
- Düşmənin Uqledar istiqamətində cəbhə xəttini geri çəkməsi çox vacibdir, çünki oradakı irəliləyişimiz cənub qrupları üçün son təchizat xətlərini kəsir. Oradakı vəziyyəti necə qiymətləndirirsiniz?
- Vəziyyət hər yerdə eynidir. Ukrayna qoşunlarının mövqeləri güclü atəşə tutulur, lakin düşmən son vaxtlar artilleriya mərmilərinin sayı ilə bağlı çox güclü problemlə üzləşib. Bu, intensiv artilleriya atəşinin başlaması, sonra qəfil başa çatması ilə özünü göstərir. Başa düşürəm ki, onların günlük limiti var. Bu qırıq-qırıq atəşlər hələ də işğalçılara istədikləri sıçrayışı etməyə imkan vermir. Bizimkilər də bundan istifadə edir.
- Rusların Uqledar istiqamətində çox güclü ehtiyatlara malik olduqları barədə söhbətlər hamımızın yadındadır. Amma reallıqda bunun çaşqınlıq yaratmaq üçün dezinformasiya olduğu ortaya çıxdı. Bu, nə deməkdir?
-Bir çox məsələlərdə rusların vəziyyəti daha da pisdir. Onlar sadəcə olaraq bütün cəbhə boyu səpələnmiş bu ehtiyatlarla manevr etməlidirlər.
- Artıq bir neçə aydır ki, Xersonun işğaldan azad edilməsi ilə bağlı söhbətlər gedir. Orada real vəziyyət necədir?
- Düşmən üçün Xersonun itkisi həm də imic itkisidir. İşğalçılar hər şeyin əldən getdiyi, hər şeyi atıb getdikləri barədə informasiya kampaniyası apararaq Ukrayna qoşunlarını hazırlıqsız əks-hücuma keçirməyə çalışırlar. Xersondan bir tələ qurmağa çalışdılar, orada toplaya biləcəkləri son xüsusi qüvvələri cəmləşdirdilər.
Doğrudan da, işğal rəhbərliyi Skadovska köçdü. Xersonda ruslarla əməkdaşlıq edənlərdən heç biri qalmadı. Paraşütçülər, dəniz piyadaları var idi. Bu qoşunların böyük bir hissəsinin əslində mülki geyimləri var. Hər şey Ukrayna qoşunlarını şəhər döyüşlərinə cəlb etmək və onların arxasına keçməyə çalışmaq üçün edildi. Onlar bir növ ərazi-partizan oyunları təşkil etməyə çalışdılar, burada görünən odur ki, dinc əhali irəliləyir, amma digər tərəfdən də arxadan güllələnirlər. Bu, çox tez üzə çıxdı, ona görə də indi onların başqa bir taktikası var - heç kim Xersonu təslim etmək fikrində deyil.

Ukraynalılar bütün bunları çox diqqətlə izləyirlər və hələ də gündə 100 metr və ya bir kilometr irəliləyiş var. Bizimkilər irəli gedir. Birincisi, ön cəbhə daralır. İkincisi, getdikcə daha çox Dnepr üzərindəki keçidlərə nəzarət etmək mümkündür ki, bu, sağ sahildə cəmləşmiş qoşunlar üçün böyük problem yaradır. Onların daha az zirehli texnikası, daha çox piyada bölmələri var. Onlar başa düşürlər ki, bu cəbhə uğursuz olarsa, sadəcə olaraq texnikanı evakuasiya edə bilməyəcəklər. Bu, çox maraqlı bir oyun ola bilər və heç kim heç kimə “baş-başa” hücum etməyəcək. Onlar Xersonda olan qoşunları tükəndirəcək və onları xoş niyyət nümayiş etdirməyə dəvət edəcəklər.
- Yaxşı niyyət jestini istisna edirsiniz?
-Xeyr, mən bunu istisna etmirəm. Və bu, yaxın həftələrdə baş verə bilər. İnfrastruktura hücumlar Rusiya Federasiyasının ən azı bir növ qələbə nümayiş etdirməsi üçün yeganə fürsətdir.
- Bu gün biz dron, raket hücumlarının qarşısını tam almağa niyə hazır deyilik?
- Bizim ölkənin qərbi və şimalında çox böyük problemimiz var. Amma biz başa düşməliyik ki, vəziyyət yaxşılaşır. Sözün əsl mənasında yaxın bir neçə gün ərzində növbəti hava hücumundan müdafiə sistemlərini alacağıq. Bunlar Ağ Evi qoruyan çox güclü sistemlərdir. Ümid edirəm ki, Baş Qərargah istiqamətləndirəcək və onları lazımi yerə qoyacaq. Cənub istiqamətində iştirak edən və əslində nöqtədə 100 faiz vuruşla işləyən IRIS-T-yə baxsanız, həqiqətən də pilotsuz təyyarələr, raketlər üçün bu istiqamət bağlandı.
Vəziyyət o baxımdan mürəkkəbdir ki, müdafiəmiz təyyarələrə və qanadlı raketlərə yönəlmişdi, lakin ballistik raketlərlə hər şey daha mürəkkəbdir. Bunlar qalxan və sonra böyük sürətlə vurduğu yerə uçan raketlərdir. "U nöqtəsi" və ya "İskəndər"dən nə ilə fərqlənir? İranın ballistik raketləri ayrılıb. Yəni zərbədən bir az əvvəl mərhələlərdən biri ayrılır və yalnız döyüş başlığı uçur. Biz bu problemdən xəbərdarıq və onun həlli üçün fəal işləyirik.
Rusiya İrandan pilotsuz təyyarələr almadan əvvəl heç kim onların təsirli olduğuna inanmırdı. Hər kəs elə bilirdi ki, bu, sadəcə olaraq, qısa məsafəyə aşağı sürətlə uçan “moped”dir. İndi biz onları necə vuracağımızı öyrəndik, bu da bizim yeni çağırışlarla işləmək bacarığımızı göstərdi. Ona görə də biz bu problemi həll edəcəyik.
- Rusiyanın növbəti şantajları nəticə vermir - nə taxıl şantajı, nə də nüvə. Rusiyanın əllərində başqa şantaj kartı qaldımı?
- Ən son ümid etdikləri qışdır. Hesab edirlər ki, infrastruktura hücumlar səbəbindən Ukrayna sağ qala bilməyəcək və zəif yerlərdən keçəcəklər. Onlar başa düşmürlər ki, hər bir ukraynalı ayrı-ayrılıqda və hamı birlikdə ciddi şəkildə qışa hazırlaşır və biz buna mütləq dözəcəyik. Sadəcə onlara bu çatmır.
- Bildirmisiniz ki, gələn yaya qədər müharibə keçmişdə qalacaq. Buna inanmağa nə əsas verir?
- Cəmiyyətimizin mənəvi-psixoloji durumu və cəmiyyətimizdə bəzi siyasi strukturların deyil, Ukrayna Silahlı Qüvvələrinin dəstəyi var. Onlara həqiqətən ümid edirik.