Sumqayıtda silahlı hücum olub, 2 nəfər ölüb, yaralılar var - FOTO
Sumqayıtda evə silahlı hücum olub, ölən və yaralananlar var.Siam.az-ın "Report"a istinadən məlumatına görə, hadisə 16 mikrorayonda yerləşən Corat bağları yaşayış massivində, fərdi yaşayış evində baş verib.
Belə ki, evə silahlı hücum zamanı ailənin 2 üzvü - Dağbəyi Fərəcov, Suanə Karakaş hadisə yerində ölüblər. İnsident zamanı daha bir neçə nəfər xəsarət alıb. Hazırda yaralıların sayı dəqiqləşdirilir.
Hadisə yerinə hüquq-mühafizə orqanlarının əməkdaşları və təcili yardım briqadası cəlb olunub.
Hazırda zəruri istintaq tədbirləri davam etdirilir.
Tarix: 28-10-2023, 09:00