Mədəniyyət və Turizm Baş İdarəsi şikayətçiyə: "Əgər adamın varsa, de səni tapşırsın, işdən çıxarmayaq"

Bakı şəhəri Yasamal rayonu Kövkəb Səfərəliyeva adına 16 nömrəli uşaq musiqi məktəbindən şikayət ver.

Adıçəkilən məktəbin tədris işləri üzrə direktor müavini çalışmış Ayat Baxşıyev haqsız yerə işdən çıxarıldığını idda edir.

AZXEBER.COM-a müraciət edən şikayətçi deyib ki, Bakı şəhər Mədəniyyət və Turizm Baş İdarəsi onu düzgün işlədiyinə görə işdən çıxarıb. Şikayət məktubunda deyilir:
Sizə müraciət etməyimin səbəbi, Bakı şəhər Mədəniyyət və Turizm Baş İdarəsi tərəfindən mənə qarşı edilən böyük haqsızlıqdır. Belə ki, mən 11 yanvar 2017-ci il tarixinədək Bakı şəhəri Yasamal rayonu Kövkəb Səfərəliyeva adına 16 nömrəli uşaq musiqi məktəbində tədris işləri üzrə direktor müavini vəzifəsində çalışmışam və göstərilən tarixdə haqqsız və qərəzli şəkildə işdən azad olunmuşam. Mən Baxşıyev Ayat Müslüm oğlu 1989-cu ildə Bakıda ziyalı,xalqını sevən və hər zaman ona layiqincə xidmət edən bir ailədə anadan olmuşam. Belə ki,məhrum babam 2-ci dünya müharibəsi veteranı, Bakı şəhəri Veteranlar Şurasının sədri polkovnik Baxşıyev Abumüslüm Abumüslüm oğlu və atam Qarabağ müharibəsi veteranı, leytenant Baxşıyev Müslüm Abumüslüm oğlu, uşaqlıq illərimdən məndə vətənə qarşı sevgi,hörmət,sədaqət kimi keyfiyyətləri aşılamış,vətənə layiqli övlad olmağım üçün əllərindən gələni əsirgəməmişdirlər. 27 yaşımın 20 ilini Azərbaycan mədəniyyətinin, incəsənətinin öyrənilməsi, təbliğ edilməsi yolunda sevə-sevə çalışmışam. Bunun nəticəsi olaraq, bir çox şəhər, respublika və beynəlxalq müsabiqə və festivalların qalibi və laureatı olmuşam. İxtisasım üzrə təhsilimi müvəffəqiyyətlə magistr pilləsinə qədər yüksəltmişəm. 2012–ci ildən müxtəlif uşaq musiqi məktəblərində tar ixtisası üzrə müəllim, paralel olaraq, Azərbaycan Televiziya və Radio Verilişləri Qapalı Səhmdar Cəmiyyətinin musiqi kollektivi tərkibində olan "Xatirə” ansamblında ifaçı, o cümlədən 2013-cü ildən 2014-cü ilə qədər Bakı şəhəri Qaradağ rayonu C.Qaryağdıoğlu adına 9 nömrəli uşaq musiqi məktəbinin tədris işləri üzrə direktor müavini,2014-cü ildən 2017-ci ilədək Bakı şəhəri Yasamal rayonu Kövkəb Səfərəliyeva adına 16 nömrəli uşaq musiqi məktəbinin tədris işləri üzrə direktor müavini vəzifəsində çalışmışam. Çalışdığım dövr ərzində fəaliyyət göstərdiyim uşaq musiqi məktəblərində təqvim planına aid olan tədbirlərdən əlavə, bir çox şəhər,respublika və beynəlxalq tədbirlərin təşkilatçısı olmuşam. Dəfələrlə məktəbi Türkiyənin, Gürcüstanın müxtəlif şəhərlərinə qastrol səfərləri təşkil etmiş və aparmışam.



Şikayətçi deyir ki, onu işdən çıxaranlar etiraf ediblər ki, haqsızlıq edirlər:
"11 yanvar 2017-ci il tarixli Bakı şəhər Mədəniyyət və Turizm Baş İdarəsinin rəisi Zeynalov Vuqar Teyyub oğlu tərəfindən imzalanmış əmr ilə mən Azərbaycan Respublikası Əmək Məcəlləsinin 70-ci maddəsinin "ç” bəndinə əsasən tutduğum vəzifədən azad olunmuşam. Bu qərarı Bakı şəhər Mədəniyyət və Turizm Baş idarəsi K.Səfərəliyeva adına 16 nömrəli uşaq musiqi məktəbinin Həmkarlar İttifaqı Komitəsinin 09 yanvar 2017-ci il tarixli idarə tərəfindən təşkil edilmiş qurma iclasında verildiyi qərarı əsas göstərmişdir. 02 dekabr 2016-cı il tarixindən 07 dekabr 2016-ci il tarixinədək mən dəfələrlə Bakı şəhəri Mədəniyyət və Turizm İdarəsinin rəis müavini Əliyev Nazim Novruz oğlu tərəfindən idarəyə çağırılaraq, barəmdə vətəndaş Əliyev Kamran İsmayıl oğlunun adından şikayət məktubunun daxil olduğunu və bu səbəbdən öz xahişim ilə ərizə yazıb işdən çıxmağımı tələb etmişdir.Bir neçə gün davam edən təzyiqlərə baxmayaraq,öz işimi layiqincə yerinə yetirdiyimi,sənətimi sevdiyimi və kollektiv tərəfindən mənə qarşı hörmət və sayqı bəsləndiyini bildirərək, işdən öz xahişim ilə çıxmağım haqqda ərizə yazmayacağımı bildirmişəm. Mənə qarşı yazılan şikayət ərizəsinin də əsassız olmasını və bunu sübut etmək üçün hər bir araşdırmaya hazır olduğumu bildirdim. Uzun sürən danışığın yekunu olaraq, Əliyev Nazim bu ifadəni işlətmişdir : "Bilirsən Ayat əslində bu ərizənin sənin işinə heç bir adiyyatı yoxdur. Biz sadəcə səninlə işləmək istəmirik. İmtina etsən ərizə yazmaqdan bir bəhanə tapıb səni işdən çıxaracağıq. Ele etmə ki, səni maddə ilə işdən azad edək. Bir də bu sahədə işləyə bilməyəsən”.

Bu üsulla ərizəni ala bilmədiyini görən Əliyev Nazim məktəbin direktoru Fikrət Budaqovu idarəyə çağırmışdır. Ona qarşı da təzyiqlər göstərərək, mənə ərizə yazdırmaq üçün onlar ilə əməkdaşlığa girməyi tələb etmişdir. Fikrət Budaqov da öz növbəsində müavini sayılan Baxşıyev Ayatdan çox razı olduğunu və indiyə qədər heç bir nöqsanı ilə rastlaşmadığını, mənim işdən azad olunmağımın əleyhinə olduğunu söyləmişdir. Mən dəfələrlə yaranmış qeyri-sağlam vəziyyəti müzakirə etmək üçün idarə rəisi Vuqar Zeynalovun qəbuluna yazılmışam lakin Vuqar müəllim qəti şəkildə məni qəbul etməmişdir. Yaranmış vəziyyətdən narazı və nigaran qalan K.Səfərəliyeva adına 16 nömrəli uşaq musiqi məktəbinin müəllim və valideyn kollektivi Azərbaycan Respyblikasının Mədəniyyət və Turizm naziri cənab Əbülfəs Qarayevə və Bakı şəhər Mədəniyyət və Turizm Baş İdarəsinin rəisi Vuqar Zeynalova müraciət məktubları göndərmişdirlər. Dəfələrlə Vuqar Zeynalovun qəbuluna yazılsalar da, onları rəis müavini Nazim Əliyev qəbul etmişdir. Müəllimlərin sözlərinə görə rəis müavinin dedikləri, işlətdiyi cümlələr onları şok halına salmışdır. Belə ki,Nazim Əliyev müəllimlər ilə yaranmış dialoqda bu sözləri işlətmişdir: "Biz artıq qərar vemişik ki, Ayat işdən çıxmalıdır. Əgər bacarırsa, arxalanacağı böyük vəzifəli şəxsi varsa ona desin və o da onu tapşırtdırsın. Lap 1000 ədəd məktub, hara və kimə istəyirsəniz yazın bunun heç bir xeyiri olmayacaq.

Bundan əlavə müəllimlərin Ayat Baxşıyevi dəstəklədiklərini, ona qarşı hamının böyük hörmət və simpatiya bəslədiyini söylədikdə "o sizi ovsunlayıb sizin xəbəriniz yoxdur” cavabını vermişdir. Mən anlamıram 27 yaşında gənc müxtəlif yaş və həyat təcrübəsinə malik insanları hansı yol ilə ovsunlaya bilər? Ümumiyyətlə bu ifadə və düşüncə tərzi müəssisə rəhbərinə yaraşan sözdürmü? Bütün bunlardan belə bir qənaətə gəlmək olar ki, böyük bir heyətin dəyərli,qocaman və Azərbaycan mədəniyyətinin sirrlərini illər boyu gənc nəsillərə aşılayan,işləri ilə sahələrində öz sözünü demiş müəllimlərin əsaslı arqumentlərini nəzərə almayan idarə kollektivinin bu sənət sahibi olmadığından irəli gəlir.Belə ki, rəis müavini Nazim Əliyev Azərbaycan Politexnik İnstitutunun mühəndis mexanik fakültəsini bitirmişdir. Elə bu səbəbdən onu sağlam yaradıcılıq abu-həvası deyil,dedi-qodu yayıb,onu əlində əsas tutmaq daha çox maraqlandırır. Növbəti dəfə idarəyə üz tutan müəllimlər bu səfər rəisin qəbuluna düşməyə nail olublar.Lakin rəis onları dinləsə də fikrinin qəti olduğunu və məni işdən azad edəcəyini bildirmişdir. Mənim yerimə isə öz kandidaturasını təyin edəcəyini söyləmişdir. 07 dekabr 2016-ci il tarixində Əliyev Nazim yenidən məktəbin direktoru Fikrət Budaqovu və məni idarəyə çağırmışdır.Direktorla baş tutan söhbətin yekunu olaraq,imtina cavabı alan Nazim Əliyev 15 dəqiqə keçdikdən sonra özü rəhbərlik etməklə 4 nəfərdən ibarət yoxlama komissiyası təşkil edərək, məktəbə gəlmişdirlər.Yoxlama zamanı böyük haqqsızlıqlara və saxtakarlıqlara yol verilmişdir.Buna əsas olaraq deyə bilərəm ki, müəllimlərə qarşı şəxsən Bakı şəhər Mədəniyyət və Turizm Baş İdarəsinin musiqi təhsili və incəsənət sektorunun müdiri Bətulə Ədhəm qızı Məmmədəliyeva tərəfindən təzyiqlər göstərilmiş,hədə-qorxu gələrək diktə ilə yazılmış saxta izahatlar alınmışdır.



Qeyd etmək istəyirəm ki, Bətulə Məmmədəliyeva 2011-2013-cü illərdə adı qeyd olunan Kövkəb Səfərəliyeva adına 16 nömrəli uşaq musiqi məktəbində direktor vəzifəsində çalışıb.Məktəbi açıq al-ver platformasına çevirən bu xanım, 1 il ərzində 30-dan çox müəllim rüşvət müqabilində işə qəbul etməklə işçi kontingentini süni şəkildə artırmış və məktəbi səriştəsizliyi,pula olan hərisliyi ucbatından bərbad hala salmışdır.Nəhayət kollektiv tərəfindən yaranan narazılıqların nəticəsi olaraq,Bətulə Məmmədəliyeva öz xahişi ilə vəzifəsindən azad edilmişdir.Mən o məktəbə təyin edildikdən sonra məktəbdə yaranan sağlam və yaradıcılıq abu-həvasını görən sektor müdiri əlində olan bütün imkanlardan istifadə edərək, mənə müxtəlif maneələr yaratmağa başlamışdır.Dəfələrlə müəyyən dairələrdə və məktəbdə çalışan müəllimlərə : "Mən o məktəbdə işləyə bilmədimsə orda heç kəs işləyə bilməyəcək” ifadəsini söyləmişdir. Nə qədər gülünc səslənsə də Bətulə xanım mütəmadi olaraq,kollektiv üzvləri ilə əlaqə yaradaraq,məktəbdə vəziyyətin necə olduğunu,kimin nə ilə məşğul olduğunu və dedi-qodu yaymaqla məşquldur. Bunu kollektivin hər bir üzvü təsdiq edə bilər. Bir sözlə məktəbdə qeyri-sağlam abu-həvanın yaranmasında marağı olmaqla yanaşı bu istiqamətdə daima çalışır. Məktəbdə aparılan yoxlama 08 dekabr 2016-cı il tarixində yekunlaşdırılaraq saxta aktlar ilə tərtib edilmişdir. Bundan bir neçə gün sonra edilən təzyiqlərin nəticəsi olaraq,stress halını yaşayaraq, sağlamlığında qəfil yaranan problem ilə əlaqədar olaraq,məni Azərbaycan Tibb Universitetinin Tədris Terapevtik Klinikasına Vegetativ (avtonom) sinir sisteminin pozuntusu və damar distaniyası diaqnozu ilə yerləşdirmək məcburiyyətində olduq.14 dekabr 2016-cı il tarixindən 28 dekabr 2016-cı il tarixinədək orada stasionar müalicə almışam. Artıq 11 yanvar 2017-ci il tarixində mənim əleyhinə toplanmış saxta materiallar hazırlandıqdan sonra Azərbaycan Respublikası Əmək Məcəlləsinin 70-ci maddəsinin "ç” bəndinə əsasən işdən azad edilmişəm. Yerimə isə ixtisası üzrə ali təhsili olmayan qeyri-ixtisas diplomu ilə çalışan müəllim təyin edilmişdir.Bu isə açıq-aşkar qanun pozuntusudur.Qeyd etmək istəyirəm ki, məktəbə yeni təyin edilmiş tədris işləri üzrə direktor müavini Bədirzadə Aytən Məhərrəm qızı, sektor müdiri Məmmədəliyeva Bətulə Ədhəm qızının yaxın rəfiqəsi və qonşusudur. Bu məsələ ilə əlaqədar olaraq, bir çox səlahiyyətli orqanlara məktub və ərizə şəklində müraciət olunub.Təəssüf ki, məmurlar işə soyuq yanaşaraq, idarəyə sorğu göndərməklə işini görmüş hesab ediblər.Hətta Səbail rayon məhkəməsinə müraciətimiz zamanı hakim Əliyev Zaur işə baxan zaman məhkəməyə təqdim edilmiş əsaslı,sübutlu sənədləri nəzərə almamış,şahidləri dindirməmiş və ümumiyyətlə araşdırma aparmayaraq,əleyhimizə qərar çıxartmışdır.

Bundan əlavə olaraq Bakı Apellyasiya Məhkəməsinə də müaciət edilmişdir.Lakin iyun ayının 7-də hakim Vəliyev İsmayılın rəhbərliyi ilə baş tutan ilk proses 10 dəqiqəlik baxışdan sonra əleyhimə qərar çıxarmışdır.Məsələyə dövlət orqanlarının bu qədər soyuq və laqeyd yanaşması təbii ki işin qərəzli və öncədən tapşırıldığına işarədir.Azərbaycan Həmkarlar İttifaqı Konfederasiyasının sədri Səttar Mehbalıyeva belə ünvanlanan məktub baxılmamış cavabında isə siz bu məsələ ilə bağlı yalnız məhkəməyə müraciət etməlisiniz sözləri qeyd edilmişdir.Halbuki, həmkarlar ittifaqının məni işdən çıxarılmağım haqqında verilən qərarında bütün adiyyəti qaydalar pozulmuşdur. Çox acınacaqlı haldır ki, xalqımızın vətən uğrunda,dövlətimizin parlaq gələcəyi uğrunda bu qədər əmək sərf etdiyi halda bəzi məmurlar öz şəxsi mənafelərini güdərək,səriştəsizlikləri və işə qeyri-professional yanaşma tərzi ilə işini sevən,cavan,perspektivli gənclərin gələcəyini bu cür puç etməklə məşquldurlar. Mən sizə Azərbaycan vətəndaşı olmaqla yanaşı xalqını,vətənini və sənətini sevən bir gənc kimi müraciət edirəm.Bu məsələnin həlli üçün mənə yardım etməyinizi cox xahiş edirəm".

Yazıda adıçəkilən şəxslərin də mövqeyini işıqlandırmağa hazırıq.

---

---