Bəs Kəmaləddin Heydərov o pulları Almaniyaya necə yatıra bilib? Çox sadə…
2003-cü ildə Kəmaləddin Heydərovun oğlu Tale Heydərov Londonda oxuduğu İqtisadi və siyasi elmlər məktəbində (London School of Economics and Political Science) bakalavr təhsili alan İran əsilli Almaniya vətəndaşı Şahin Namati-Nasab ilə tanış olur, dostluq münasibətləri qurur. O zaman FHN hələ yaradılmamışdı, Kəmaləddin Heydərov Gömrük Komitəsinə rəhbərlik edirdi. 2006-cı ildə arasının fövqəladə hallar naziri təyin olunmasının ardlnca London Azərbaycan Cəmiyyətini yaradan Tale Heydərov Şahin Namati-Nasabı da cəmiyyətə cəlb edir. 2008-ci ildə Avropa Azərbaycan Cəmiyyəti adlanan qurumun Almaniya şöbəsinin işi Şahin Namati-Nasaba həvalə edilir. 2010-cu ildə Avropa Azərbaycan Cəmiyyəti Almaniya 25 min avro nizamnamə kapitalı ilə Şahin Namati-Nasabın adına qeydiyyatdan keçirlir. Şirkət Charlottenburg (Berlin) ədliyyəsində HRB 135324 B saylı şəhadətnamə alıb və ofisi Berlinin mərkəzindəki Bellevuestr. 1 ünvanında yerləşir.
Heydərovların Almaniyadakı şirkətləri də məhz Şahin Namati-Nasabla Tale Heydərovun Londondakı məktəbdən başlayan dostluğu üzərində qurulur.
Heydərovların təqdimatı ilə Şahin Namati-Nasab Azərbaycan hakimiyyətinin sevimlisinə çevrilir, Azərbaycanı səfirliyi ilə sıx münasibətlər qurur, tədbirlərə dəvət olunur. Qarabağ və Xocalı ilə bağlı tədbirlərə qatılır, 2018-ci ilin iyulunda KARABAKH COLLECTION GMBH adlı moda şirkəti açır.
Gerçəkdən…25 min avro nizamnamə kapitalı ilə
Charlottenburg (Berlin) ədliyyəsində qeydiyyata alınmış şirkətin nizamnaməsində fəaliyyət sahəsi moda kolleksiyalarının yaradılması, pazarlanması ve dağıtılması, Almaniya və digər ölkələrdə moda ve tekstil sənayesi üzrə ticarət və vasitəçilik kimi təsnif olunur. Şirkətin qeydiyyat ünvanı Berlin Bellevuestr.
1,
Avropa Azərbaycan Cəmiyyəti Almaniya Gmbh-nin ofisidir.
Şahin Namati-Nasabın adına rəsmiləşdirilmiş daha bir şirkət CONSTRUCTION MANAGEMENT SUPERVISION GMBH-dir.
Şirkət 2014-cü il aprelin 6-da Essen şəhər ədliyyəsində qeydiyyatdan keçirilib və HRB 25363 saylı lisenziya alıb. İnşaat, təmir, tikinti-layihə, daşınmaz əmlak idarəçiliyi, eləcə də iqtisadicə siyasi (!) konsultasiya xidmətləri ilə məşğuldur.
Aktivləri 1.5 miyon avro, 2017-ci il maliyyə hesabatına görə gəlirləri 634 min avro göstərilir.
Kəmaləddin Heydərov Almaniyada təsis etdiyi şirkətlərin bir qismini də Şahin Namati-Nasabın atası Davud Namati-Nasabın adına rəsmiləşdirib.
69 yaşlı Davud Namati-Nasabı Heydərovlarla tanışlığa qədər kitab və jurnalların topdan və pərakəndə satışı ilə məşğul olan TMC TURQUOISE MEDIA COMPANY GMBH-nin sahibi olub. Şirkət Essen şəhərindəki Lindenhalle 75 ünvanında yerləşib.
20 oktyabr 2009-cu ildə Heydərovlar Gilan Holdinqə bağlı UEI şirkətlər qrupunun bir qolunu Almaniyada qeydiyyatdan keçirir. 25 min avro nizamnamə kapitalı ilə İran əsilli Almaniya vətəndaşı Davud Namati-Nasabın adına rəsmiləşdirilən yeni şirkət United Enterprises International GmbH (qeydiyyat nömrəsi HRB 62003) adlanır.
Əvvəllər Heydərovlarln şirkətlərinin böyük qisminin cəmləşdiyi Düsseldorf Graf-Adolf-Platz 15 ünvanında yerləşən şirkət sonradan Essendəki Lindenallee 75 ünvanındakı dördmərtəbəli binada fəaliyyət göstərib. Şirkət turizm xidmətləri və komission fəaliyyətilə məşğul olub.
Ötən il oktyabrın 22-də şirkətin direktoru Davud Namati-Nasabın Düsseldorf ədliyyəsinə müraciəti əsasında UEI United Enterprises International GmbH-nin adı dəyişdirilir və
Oaktree NEW Gmbh yeni nizamnaməyə əsasən daşlmmaz əmlakın, mülklərin, torpaqların alqı-satqı və idarə olunması ilə məşğuldur.
Düsseldorf maliyyə idarəsinə 31 mart 2017-ci ildə təqdim olunan illik hesabata görə şirkətin aktivləri 990 min avro, ehtuyat sərmayələri isə 1,670 milyon avro təşkil edib.
Bu Heydərovların Davud Namati-Nasabın adına rəsmiləşdirdikləri yeganə şirkət deyil. United Enterprises International GmbH-nin qeydiyyatlndan cəmi iki ay sonra bir gün ərzində, yəni 10 noyabr 2009-cu ildə Heydərovlar Almaniyada daha 3 şirkəti – UEI Kaspian Sea Caviar GmbH, UEI CAY GMBH və UEI JUICES GMBH-ni qeydiyyatdan keçirirlər. Bundan bir həftə sonra noyabrın 17-də Heydərovların 4-cü şirkəti UEI AZERBAIJAN CARPETS GMBH təsis olunur.
UEI Kaspian Sea Caviar GmbH şirkəti də Davud Namati-Nasabın adına təsus olunur və Düsseldorf ədliyyəsində 25 min avro nizamnamə kapitalı ilə HRB 62155 saylı lisenziya alır. Şirkət ilk əvvəl Graf-Adolf-Platz 15, daha sonra Essendə, Lindenallee 75 ünvanında fəaliyyət göstərib. Fəaliyyət sahəsi xüsusi kateqoriyadan ərzaq məhsullarının (adından göründüyü kimi qara kürü və xüsusi növdən olan nərə, beluqa kimi nadir növ balıq məhsullarının) ixrac-idxalı, topdan və pərakəndə satışını həyata keçirmək olub. Hətta bu məqsədlə o zaman Düsseldorf şəhərində Königstrasse küçəsində ixtisaslaşmış mağaza açılmışdı. Maliyyə sənədlərinə əsasın cəmi aktivləri 450 min avro təşkil edib. Şirkət 2017ci ilin noyabrın 10-da ləğv edilib.
UEI JUICES GMBH
Rəsmi təsisçi: Davud Namati-Nasab.
Nizamnamə kapitalı: 25 min avro.
Fəaliyyət sferası: Əsasən meyvə şirələrinin (Jalə məhsulları) idxal və ixracı, topdan və pərakəndə satışı.
Qeydiyyat ünvanı: öncə Düsseldorf Graf-Adolf-Platz 15, daha sonra Essen Lindenallee 75.
Şəhadətnamə nömrəsi: HRB 62147, Düsseldorf ədliyyə idarəsi.
396 min avro ehtiyat sərmayəsi olub.
Şirkət 22 iyun 2017-ci ildə ləğv olunub.
UEI CAY GMBH
Rəsmi təsisçi: Davud Namati-Nasab.
Nizamnamə kapitalı: 25 min avro.
Fəaliyyət sferası: Əsasən çay və çay məhsullarının idxal və ixracı, topdan və pərakəndə satışı.
Qeydiyyat ünvanı: öncə Düsseldorf Graf-Adolf-Platz 15, daha sonra Essen Lindenallee 75.
Şəhadətnamə nömrəsi: HRB 62146, Düsseldorf ədliyyə idarəsi.
Aktivləri 100 min avroya yaxın, ehtiyat sərmayəsi isə 547 min avro təşkil edib.
4 noyabr 2016-cı ildə şirkət ləğv olunub.
UEI AZERBAIJAN CARPETS GMBH
Rəsmi təsisçi: Davud Namati-Nasab.
Nizamnamə kapitalı: 25 min avro.
Fəaliyyət sferası: Əsasən xalça və kilimlərin, döşəmə örtüklərinin idxal və ixracı, topdan və pərakəndə satışı.
Qeydiyyat ünvanı: öncə Düsseldorf Graf-Adolf-Platz 15, daha sonra Essen Lindenallee 75.
Şəhadətnamə nömrəsi: HRB 62157, Düsseldorf ədliyyə idarəsi.
Ehtiyat sərmayəsi 308 min avro təşkil edib.
9 noyabr noyabr 2017-ci ildə şirkət ləğv olunub.
