Ermənistanda dabaq xəstəliyi yayılır
Ermənistanın şimalında kəndlərdə bir neçə gündür dabaq xəstəliyi yayılır.Virtualaz.org bildirir ki, bu barədə Novosti Armeniya-ya Debed kəndi Ağsaqqallar şurasının sədri Aşot Kazaryan məlumat verib.
Onun sözlərinə görə, kənddə 800 baş mal-qaranın 500-dən çoxu bu xəstəliyə yoluxub. Amma hələlik mal-qara ölümü qeydə alınmayıb.
Hazırda Qida Məhsulları üzrə Təhlükəsizlik Xidməti vilayət bölməsinin əməkdaşları həmin kənddədirlər.
Xatırladaq ki, dabaq - qaramal, davar və donuzlar arasında yayılan yoluxucu xəstəlikdir. Bu xəstəliyə yoluxan heyvanlarda ağız suyu artır, suluqlar əmələ gəlir.
Tarix: 9-08-2017, 08:29