ABŞ ordusunun İŞİD terrorçularını Raqqadan qaçırmasının videosu yayımlandı

Suriya Demokratik Qüvvələrinin (SDQ) təmsilçiləri “Russia Today” agentliyinə İŞİD terrorçularının Raqqa şəhərindən qaçmasını əks etdirən videogörüntüləri təqdim ediblər.

Virtualaz.org RT-yə istinadən xəbər verir ki, əsgərlərin bildirdiyinə görə, şəhəri 3 minə yaxın adam tərk edib – terrorçuıar ailələri ilə birgə qaçıblar. Silahlılar Deyr-əz-Zor istiqamətinə gediblər, oradan haraya yollandıqları isə məlum deyil.

“Mən İŞİD döyüşçülərini gördüm. Onlar avtobuslar və yük maşınları ilə Deyr-əz-Zora getdilər. Bundan sonra hara yollandıqlarını bilmirəm. Şəhəri tərk edən 3 min nəfərdən təxminən min nəfəri yaralı idi”, - SDQ döyüşçüsü bildirib.

İkinci əsgərin dediyinə görə, İŞİD terrorçuları şəhəri tərk edən vaxt buğda anbarında işləyirmiş. “Onlar çox idilər, lakin bhiz onlardan qorxmurduq”, - o əlavə edib.

Ekspertlərin fikrincə, təqdim edilən videogörüntülər bir daha sübut edir ki, ABŞ ordusu İŞİD terrorçularına şəhəri maneəsiz tərk etmək üçün şərait yaradıb. “Terrorçulara təhlükəsiz rayonlara qaçmaq imkanı yaradılıb ki, sonradan, ola bilsin ki, onlar hökumət qoşunlarına və onların tərəfdarlarına qarşı müharibəni davam etdirə bilsinlər”, - Livan universitetinin müəllimi Camal Vakim deyib. Onun fikrincə, ABŞ terrorçulardan Yaxın Şərqdəki geosiyasi hədəflərinə çatmaq üçün vasitə kimi istifadə edir.

---

---