Pakistan və Hindistan hərbçiləri arasında Kəşmir bölgəsinin sərhəd nəzarəti xəttində atışma baş verib.
Axar.az xəbər verir ki, şiddətli atışma zamanı iki hind əsgəri həlak olub, 8 mülki şəxs yaralanıb. Yaralı şəxslərin hamısının Hindistan vətəndaşı olduğu bildirilib.
Qeyd edək ki, 5 gün əvvəl iki ölkə arasında atəşkəs rejiminin bərpa olunması ilə bağlı razılıq əldə olunmuşdu.