“Discord”dakı sızıntıdan sonra Pentaqon sərt tədbirlərə başlayıb – “Politico”

Milli Hava Qvardiyasının üzvü bir çox hərbi sirləri internetə sızdırdıqdan sonra, Pentaqon milli təhlükəsizliklə bağlı məxfi məlumatlarla işləmə üsulunu gücləndirir.
“AzPolitika.info” “Politico”-ya istinadla xəbər verir ki, bu hadisədən sonra sifariş edilən və çərşənbə günü ictimaiyyətə açıqlanan araşdırmada sistematik uğursuzluqlar aşkar edilməyib və ya Pentaqonun məxfi məlumatların qorunması üsulunda kəskin dəyişikliklərə ehtiyac yaranmadığı bildirilir.
Bununla belə, Pentaqonun gələcək sızmaların qarşısını almaq üçün hesabatlılıq tədbirlərini təkmilləşdirməyə ehtiyac olduğu bildirilir.
Bunlara məxfi sənədlərə kimin çıxışı olduğunu və bu məlumatın harada saxlandığını daha yaxşı izləmək, həmçinin məxfi məlumatları görə bilənlərin ən müasir açıqlama verməmə müqavilələrinə malik olduğundan əmin olmaq daxildir.
Aprel ayında Milli Qvardiya əsgəri Cek Teyşeyranın “Discord” sosial media platformasında yüzlərlə səhifəlik məxfi sənədləri yerləşdirdiyinə görə həbs olunduqdan sonra, ABŞ müdafiə nazri Lloyd Ostin geniş araşdırma aparmağı tapşırıb.
Teyşeyranın sənədlərə baxmaq üçün lazımi təhlükəsizlik icazəsi olduğundan, Pentaqonun sərtləşdirilmiş prosedurlarının sızmanın qarşısını alıb-almayacağı bəlli deyil.
Təhlükəsizliyə dair araşdırmanın nəticələrinə əsasən, Ostin yüksək səviyyəli nazirlik məmurlarına işçilərinin həssas məlumatlara daxil olmaq üçün davamlı ehtiyac olduğunu "təsdiqləməyi" və 30 sentyabr tarixinə qədər bu personalın etibarlı məlumatların açıqlanmaması ilə bağlı müqaviləyə sahib olmasını təmin etməyi tapşırıb.
Həsas Bölmə Qurumu– SCİF adlanan hərbi obyektlər barədə də məlumatların Milli Kəşfiyyat Departamentinin direktoruna məruzə edilməsi də nazir tərəfindən əmr edilib.
Həmçinin. 31 dekabr tarixinə qədər Pentaqonda insayder təhlükəsi və kiber imkanlar üçün “Birgə İdarəetmə Ofisi”nin yaradılması tapşırılıb.

---

---