NATO Rusiyanı Zaporojye AES-dən qoşunlarını çıxarmağa çağırıb

Yens Stoltenberq

Şimali Atlantika Alyansı Moskvanın hərəkətlərini təhlükəli hesab etdiyi üçün Rusiyanı qüvvələrini Zaporojye Atom Elektrik Stansiyasından (ZAES) çıxarmağa çağırır.

Bizimyol.info xəbər verir ki, bu barədə çərşənbə axşamı NATO-nun baş katibi Yens Stoltenberq alyansın sammitinə gələrkən jurnalistlərə bildirib.
“Rusiyanın nüvə ritorikası təhlükəlidir. Rusiya başa düşməlidir ki, nüvə müharibəsi ilə qalib gələ bilməz və buna heç vaxt başlamamalıdır. NATO Rusiyanın hərəkətlərini diqqətlə izləyir və biz Rusiyanın Belarusda taktiki nüvə silahı yerləşdirməsi ilə bağlı açıqlamalardan təəssüflənirik. İndiyədək biz Rusiya nüvə qüvvələrinin mövqelərində NATO-nun cavabını tələb edəcək hər hansı dəyişiklik görməmişik”, - deyə baş katib bildirib.
"Zaporojye AES-dəki vəziyyətə gəldikdə, Rusiyaya bildirmək istədiyimiz öz hərbi qüvvələrini geri çəkməyin zəruriliyidir, çünki onun Zaporojyedəki hərəkətləri Avropadakıən böyük nüvə stansiyasının təhlükəsizliyini pozur", - Stoltenberq Kiyevin Moskvanın guya "ZAES-də nüvə insidentinə hazırlaşdığı" barədə bəyanatları ilə bağlı jurnalistlərin suallarını cavablandırarkən deyib.
İyulun 9-da Rusiya Xarici İşlər Nazirliyinin sözçüsü Mariya Zaxarova vurğulayıb ki, iyulun 11-12-də Vilnüsdə keçiriləcək NATO sammitinin iştirakçıları Kiyevin “öz xilası” üçün zərər vurduğu ZAES-də təhlükəsizlik mövzusuna diqqət yetirməlidirlər.
İyunun 23-də Beynəlxalq Atom Enerjisi Agentliyinin (MAQATE) baş direktoru Rafael Qrossinin Rusiya Federasiyasına səfəri ərəfəsində görüşdüyü Ukrayna prezidenti Vladimir Zelenski Moskvanı ZAES-də terror aktı hazırlamaqda ittiham edib. O, bu barədə Braziliya, Hindistan, Çin, ABŞ, eləcə də Avropa, Yaxın Şərq və Afrika ölkələrini xəbərdar edib.
Rusiya prezidentinin mətbuat katibi Dmitri Peskov Zelenskinin sözlərini növbəti yalan adlandırıb. “Rosenerqoatom” konserninin baş direktorunun müşaviri Renat Karçaa hesab edir ki, Ukrayna liderinin bəyanatları Kiyevin NATO-nu münaqişəyə cəlb etmək üçün terror aktı və ya ZAES-ə zərbələr hazırladığına işarə ola bilər.
İyunun 23-də Rusiyanın BMT-dəki daimi nümayəndəsi Vasili Nebenzya vurğulayıb ki, Moskva Kiyevin Rusiya qüvvələri tərəfindən ZAES-in minalanması ilə bağlı artan bəyanatlarından hədsiz narahatdır.

---

---