DTİHB jurnalist və vəkilə hücum edənləri cəzalandırmağa çağırır
ATƏT-in Demokratik Təsisatlar və İnsan Haqları Bürosu (DTİHB) Çeçenistanda rusiyalı jurnalist Yelena Milaşina və vəkil Aleksandr Nemova hücumu pisləyib. AYNA xəbər verir ki, bu barədə “RİA Novosti” məlumat yayıb.
DTİHB Milaşina və Nemova hücumu pisləyib və günahkarları cəzalandırmağa çağırıb.
“DTİHB başqalarının hüquqlarını müdafiə edən Yelena Milaşina və Aleksandr Nemova qarşı dəhşətli hücumu pisləyir. Biz bütün günahkarların məsuliyyətə cəlb olunmasını təmin etmək üçün çağırışa qoşulur və onların hüquqlarının işlərinin qorunmasına çağırırıq”, - Büro vurğulayıb.
Qeyd edək ki, Çeçenistanda Nemov və Milaşinaya hücumla bağlı cinayət işi başladılıb. Bu barədə Rusiya Federasiyası İstintaq Komitəsinin Çeçenistan Respublikası üzrə İstintaq Komitəsinin rəhbəri Vitali Volkov Rusiya Federasiyası İstintaq Komitəsinin rəhbəri Aleksandr Bastrıkinə məlumat verib.
Xatırladaq ki, bir qrup naməlum şəxs iyulun 4-də Qroznıda hava limanında Milaşina və Nemovu döyüblər. Onlar ağır xəsarətlərlə xəstəxanaya yerləşdiriliblər. Jurnalist və vəkil Çeçenistana respublikanın Ali Məhkəməsinin keçmiş hakimi Səidi Yanqulbayevin həyat yoldaşı Zarema Musayevanın məhkəməsində iştirak etmək üçün gediblər.