WSJ: "Qərb güzəştlər müqabilində Kiyevə NATO-ya üzv olmağı təklif edəcək"

Qərbdə Ukraynanı Rusiya ilə ərazi güzəştlərinə getməyə təşviq edən bir qrup məmur var, lakin nə Kiyev, nə də Moskva müharibəni bitirmək üçün bu variantı qəbul etmir.

Qaynarinfo "Wall Street Journal"a istinadən xəbər verir ki, ABŞ və Almaniya kimi əsas Avropa tərəfdaşları Rusiya Federasiyasının bu müharibədə qələbəsinin qəti əleyhinədirlər, lakin NATO müttəfiqləri Ukraynanın qələbəsini təmin etməyə hazır deyillər.

Qərb rəsmiləri arasında belə bir qorxu var ki, Ukraynanın həlledici məqsədləri uzunmüddətli müharibəyə səbəb olacaq və buna görə də Kiyevə sövdələşmə təklif oluna bilər: NATO və ya Avropa İttifaqına üzv olmaq müqabilində işğal olunmuş əraziləri vermək və ya uzunmüddətli zəmanətlər almaq. 


Nəşr qeyd edir ki, Qərb Ukrayna ilə Rusiya Federasiyası arasında müharibənin dayandırılmasında maraqlıdır, çünki bu, qlobal iqtisadiyyata mənfi təsir göstərir və Avropa ölkələrinin sakinlərinin Kiyevə yardımla bağlı öz siyasətçilərinin qərarlarını dəstəkləməyə hazır olub-olmaması da aydın deyil.

Bu yaxınlarda NATO rəsmilərindən biri Ukraynaya ərazisini Rusiyaya verməyi və bunun müqabilində Alyansa qoşulmaq üçün "yaşıl işıq” almağı təklif edib. Daha sonra qalmaqallı açıqlamanın müəllifi üzr istəyib və sözlərinin səhv olduğunu vurğulayıb. Sonda NATO-nun baş katibi Yens Stoltenberq bildirib ki, Rusiya ilə danışıqlar masasına nə vaxt oturacağına yalnız Ukrayna qərar verəcək.

---

---